08:42, 23 - قاراشا 2015 | GMT +5
بەلگيا بيلىگى: ىزدەۋدە جۇرگەن جيھادشىلار سانى ءوسىپ كەلەدى
استانا. قازاقپارات - بەلگيادا ەكىنشى كۇن بويى لاڭكەستىك قاۋپىنىڭ جوعارى دەڭگەيى ساقتالىپ وتىر. ىشكى ىستەر ءمينيسترى يان جامبوننىڭ ايتۋىنشا، ىزدەستىرىلىپ جاتقاندار تىزىمىندە جاڭا شابۋىلداردى ازىرلەۋگە كۇدىكتىلەر بار دەپ سانايدى، بەلگيالىق ارنايى قىزمەتتەر.
بۇدان بۇرىن 13 - قاراشادا فرانسۋز استاناسىنا شابۋىل جاساۋعا كۇدىكتى سالاح ابدەسلامدى ىزدەستىرۋ جۇرگىزىلۋدە. بەلگيالىق بيلىكتىڭ ايتۋىنشا، ىزدەۋدەگىلەردىڭ بارلىعى دا قارۋلانعان جانە وتە قاۋىپتى.
بەلگيا پرەمەر- ءمينيسترى شارل ميشەل ۇكىمەتتە «جارىلعىش قۇرالدارمەن جانە وتتى قارۋمەن قارۋلانعان قانشا ادام، بىردەن بىرنەشە جەردە شابۋىل جاسايتىنى تۋرالى شىنايى اقپارات بار»، دەپ اتاپ ءوتتى.
VRT تەلەارناسىن بەرگەن سۇحباتىندا ول قاۋىپ ءبىر عانا ابدەسلاممەن شەكتەلمەيتىنىن ايتتى. ازىرگە ونىمەن باسقالاردىڭ بايلانىسى بار ما، الدە ولار دەربەس ارەكەت ەتىپ ءجۇر مە، ول جاعى بەلگىسىز.
