تۇرمىس قۇراتىن قىزدارعا كەڭەستەر
اتالارىمىز: «بەينەتسىز نيعمەت بولمايدى» دەگەن، - دەپ جازادى alashainasy.kz.
تاتۋ- ءتاتتى، جاقسى قارىم- قاتىناستا ءومىر ءسۇرۋ ءۇشىن قيىندىقتارعا ءتوزۋ كەرەك جانە ۇنەمى وزىنىكىن دۇرىس دەپ بىلمەۋ كەرەك. مەنىكى دۇرىس دەپ قاسارىسا بەرۋ ارازدىققا جول اشادى.
تاجىريبەلى جانە مۇسىلمان ءبىر انانىڭ عاسىرلار بۇرىن قىزىنا ايتقان وسيەتى:
قىزىم، ءوزىڭ تۋىپ وسكەن، ايالاپ وسىرگەن اكە- شەشەڭنىڭ ۇياسىنان ۇشىپ، جات جۇرتقا كەتىپ بارا جاتىرسىڭ. مىنەز- قۇلقىن، ادەت- عۇرپىن بىلمەيتىن اداممەن ءومىر سۇرەسىڭ. سوندىقتان،
سەن وعان جەر بول! ول ساعان كوك (اسپان) بولسىن!
سەن وعان ءۇي بول! ول ساعان تىرەك بولسىن!
سەن وعان كۇڭ بول! ول دا ساعان قۇل بولسىن!
سەن وعان قيىندىق تۋعىزبا! ساعان دەگەن سەزىمى وشپەسىن!
ودان الىستاپ كەتپە! سەنى ۇمىتپاسىن!
ونىڭ كوزىن، مۇرنىن، قۇلاعىن وزگەلەردەن ساقتا! كوزى سەنەن باسقانى كورمەسىن، سەنەن باسقانىڭ ءيىسىن سەزبەسىن جانە سەنەن ۇنەمى ادەمى سوزدەر ەستىسىن!
ۇيدە وتىرىپ ءۇي جانە قول- ونەر جۇمىستارىمەن اينالىس!
ۇيگە ازىق- تۇلىكتەن نە اكەلسە دە شىن جۇرەكپەن قابىل ال، قاناعاتشىل بول جانە اناۋ جوق، مىناۋ جوق دەپ ەشقاشان شاعىمدانۋشى بولما!
كۇيەۋىڭنىڭ اقىسىن (قۇقىعىن) وزىڭنەن جوعارى ۇستا!
كۇيەۋىڭنىڭ تۋعان - تۋىستارىنا، جاقىندارىنا قۇرمەت كورسەت! ولاردى قۇرمەتتەگەنىڭ، كۇيەۋىڭدى قۇرمەتتەگەنمەن تەڭ.
تازالىققا، جيناقىلىققا مۇقيات بول.
كورشىلەرىڭمەن جاقسى قارىم- قاتىناستا بول! ولاردان كەلەتىن قيىنشىلىقتارعا سابىرلى بول!
اسىرەسە كورشىلەردىڭ اراسىندا ءسوز تاسىما! ءسوز تاسۋدان ۇزاق بول!
نامازدارىڭدى ۋاقىتى كىرىسىمەن وقى!
