ءار جەڭىسىندە «قارا جورعا» ءبيىن بيلەيتىن سپورتشى قىتايدا چەمپيون بولدى

استانا. قازاقپارات - ارالاس جەكپە- جەكتەن قازاقستاندىق سپورتشى قايرات احمەتوۆ بەيجىڭدە WSOF تۇجىرىمى بويىنشا 21 -قاراشادا وتكەن حالىقارالىق تۋرنيردە جەڭىسكە جەتتى.

بۇل تۋرالى Vesti.kz سپورت پورتالى حابارلايدى.

One FC ليگاسىنداعى دەبيۋت جەكپە-جەگىندە «قازاق» دەگەن لاقاپ اتپەن تانىلعان احمەتوۆ بۇل ۇيىمنىڭ چەمپيونى برازيليالىق ادريانو موراەشپەن كەزدەسكەن بولاتىن. اسا جەڭىل سالماقتاعى ونەر كورسەتەتىن سپورتشىلاردىڭ جەكپە-جەگى بەس راۋندقا سوزىلدى، قورىتىندىسىندا قازىلار القاسىنىڭ شەشىمىمەن قازاقستاندىق سپورتشى جەڭىسكە جەتتى.

وسىلايشا، احمەتوۆ One FC چەمپيوندىق تيتۋلىن الدى. جەڭىلىپ كورمەگەن "قازاق" م م ا- داعى 23- جەڭىسىن تويلادى.

قايرات احمەتوۆ - Alash Pride تۇجىرىمى بويىنشا الەم چەمپيونى. ول ءار جەڭىسىنەن كەيىن قازاقتىڭ "قارا جورعا" ءبيىن بيلەيتىندىگىمەن تانىمال.
جەكپە-جەكتى مىنا جەردەن كورۋگە بولادى.