تالدىقورعان اكىمى كاراتەدەن الەم چەمپيونىمەن كەزدەستى

تالدىقورعان. قازاقپارات - بۇگىن تالدىقورعان اكىمى باعدات قاراسايەۆ كيوكۋشينكاي كاراتەدەن الەم چەمپيونى، ءوز تيتۋلىن رەسەيدىڭ حاباروۆسك قالاسىندا وتكەن بىرىكتىرىلگەن چەمپيوناتتا جەڭىپ العان مەرەي ءسۇيىنوۆتى قابىلدادى.

قالا اكىمى چەمپيونعا بارلىق تالدىقورعاندىقتاردىڭ اتىنان وتاندىق سپورتقا قوسقان ۇلەسى ءۇشىن العىسىن ءبىلدىرىپ، كاراتەدەن قارا بەلدىك، Ⅱ دان يەگەرى مەرەي ءسۇيىنوۆ چەمپيوندىق جولىن جالعاستىراتىنىنا ءۇمىتىن ءبىلدىردى.

ءوز كەزەگىندە مەرەي سپورت - ونىڭ ءومىرى ەكەنىن اتاپ ءوتتى. ون جاستان باستاپ تاباندى جاتتىعىپ جۇرگەن ول بۇگىندە وسكەلەڭ ۇرپاقتى شىعىس جەكپە-جەكتەرى تۇرلەرى بويىنشا دايىنداپ كەلەدى.

«بۇل ءسىزدىڭ وتانعا دەگەن سۇيىسپەنشىلىگىڭىز بەن ماحابباتىڭىزدىڭ كورسەتكىشى. ءسىزدىڭ سپورتتاعى جەتىستىكتەرىڭىزدى ماقتان ەتەمىز»، - دەپ اتاپ ءوتتى باعدات قاراسايەۆ. ول سونداي-اق تالدىقورعان اكىمدىگى ايماقتاعى سپورتتى دامىتۋ بويىنشا باستامالاردى قولدايتىنىن قوسىپ ءوتتى.