17:25, 21 - قاراشا 2015 | GMT +5
ماسكەۋدە رەسەيدەگى قازاقتاردىڭ ۇلتتىق-مادەني اۆتونوميالارى وكىلدەرىنىڭ كەزدەسۋى ءوتتى
ماسكەۋ. قازاقپارات - ماسكەۋدەگى ۇلتتار ۇيىندە رەسەيدەگى قازاقتاردىڭ ۇلتتىق-مادەني اۆتونوميالارى وكىلدەرىنىڭ كەزدەسۋى ءوتتى.
قازاقستان رەسپۋبليكاسىنىڭ رەسەي فەدەراتسياسىنداعى ەلشىلىگى ۇيىمداستىرعان كەزدەسۋگە رەسەيدىڭ ءتۇرلى ايماقتارىنداعى قازاقتاردىڭ 35 قوعامدىق ۇيىمىنىڭ وكىلدەرى، قازاقستاننىڭ ر ف- عى كونسۋلدىق مەكەمەلەرىنىڭ باسشىلارى، سونداي-اق ر ف- نىڭ ۇلتتار ىستەرى بويىنشا فەدەرالدىق اگەنتتىگى باسشىلىعىنىڭ وكىلدەرى قاتىستى.
كەزدەسۋ بارىسىندا رەسەيدەگى قازاقتاردىڭ قوعامدىق ۇيىمدارىنىڭ وكىلدەرى ءوز قىزمەتى تۋرالى اقپاراتتاندىردى. شارانىڭ قاتىسۋشىلارى رەسەي فەدەراتسياسىنىڭ اۋماعىندا تۇرىپ جاتقان وتانداستاردىڭ اراسىندا قازاق ءتىلىن، داستۇرلەرىن، سالتتارى مەن مادەنيەتىن ساقتاۋ جانە تاراتۋ بويىنشا بىرلەسكەن جۇمىستار باعىتتارىن تالقىلادى.
