مۇسىلمان قىزىنىڭ نامىسىن قورعاپ قالدى
بۇل جايىندا ونىڭ فەيسبۋك پاراقشاسىندا جاريالانعان جازباسىنا 41000 جان تىلەكتەستىگىن ءبىلدىرىپ، 18000 قولدانۋشى بولىسكەن كورىنەدى.
ول ءوز جازباسىندا مەترودا حيدجاب كيگەن مۇسىلمان قىزىنا بەلگىسىز بىرەۋدىڭ كەلىپ، تىلدەي باستاعانىنا كۋا بولعانىن ايتادى. ۇلتى مەن دىنىنە ءتىل تيگىزگەن الگى ادام جاپ-جاس مۇسىلمان قىزىن «لاڭكەس» دەپ اتاپ، «پاريج تۇرعىندارىن ولتىرگەن ونىڭ حالقى» ەكەنىن قايتالاۋمەن بولعان.
ەشلي پوۋايس بۇل ادىلەتسىزدىككە جول بەرمەي، مۇسىلمان قىزىن جازىقسىز جابىرلەۋدەن قورعاۋعا كىرىسكەن. بۇنىسى ءۇشىن «تەرروريستەردىڭ تابىنۋشىسى» دەگەن عايبات ەستىگەنىمەن، ەشلي مۇسىلمان قىزىن قورعاشتاۋىن دوعارمايدى. قايتا ونىڭ قاسىنا وتىرىپ، يسلاموفوبيالىق سوزدەردى قارشا بوراتقان جولاۋشىنىڭ ايتقانىنا ءمان بەرمەۋگە كەڭەس بەرەدى.
بۇدان كەيىن ول قىزدىڭ رۇقساتىمەن ونى دوستارىمەن كەزدەسەتىن جەرگە دەيىن شىعارىپ سالعان. ەشلي پوۋايس ءوز جازباسىندا ناسىلشىلدىككە بوي الدىرعان الگى جولاۋشىنىڭ جابىرلەۋىنە ۆاگونداعى باسقا جانداردىڭ بەي-جاي قاراپ وتىرعانىن كۇيىنە جازادى.
Alashainasy.kz
