بىرلەسكەن ۇلتتار ۇيىمى قاۋىپسىزدىك كەڭەسى لاڭكەستەرگە قارسى جاڭا رەزوليۋتسيا قابىلدادى

استانا. قازاقپارات - فرانسيا ۇسىنعان قاراردى ب ۇ ۇ- نىڭ قاۋىپسىزدىك كەڭەسى ءبىراۋىزدان قابىلدادى.

قۇجاتتا حالىقارالىق زاڭ تالاپتارىنا ساي ۇيىمعا مۇشە ەلدەردى يراك پەن سيرياداعى لاڭكەستەردىڭ كوزىن جويۋ ءۇشىن كۇش بىرىكتىرىپ، بارلىق شارالاردى قابىلداۋ تۋرالى ۇندەۋ بار.

ۇيىم جارعىسى بويىنشا، ەڭ الدىمەن «يراك پەن ليەۆانت لاڭكەستىك ۇيىمى» جانە «دجەبحات ان-نۋسرا» مەن «ءال-كايداعا» قاتىسى بار بارلىق لاڭكەستىك توپتارعا قارسى باقىلاۋدى ەكى ەسە كۇشەيتۋ كوزدەلىپ وتىر.

سونداي-اق رەزوليۋتسيادا انكارا، بەيرۋت، پاريج جانە سيناي ارالىنداعى، رەسەي ۇشاعىنا جاسالعان سوڭعى لاڭكەستىك ارەكەتتەر ايىپتالعان. وعان قوسا يراك پەن سيرياداعى تەرروريستەردىڭ كوزىن جويۋ ءۇشىن سىرتتان كەلەتىن سودىرلار مەن مۇناي ساۋداسىنان تۇسەتىن قارجى جولدارىن كەسۋ كەرەكتىگى دە ايتىلىپتى.

فرانسۋا دەلاترە، فرانسيانىڭ ب ۇ ۇ- داعى تۇراقتى وكىلى:

- ءبىز «يراك پەن ليەۆانت لاڭكەستىك ۇيىمىنا» قارسى كۇرەستە كۇش بىرىكتىرۋگە ءتيىسپىز. ءدال وسى رەزوليۋتسيا بارلىعىمىزدىڭ لاڭكەستەرگە قارسى بىرگە ايانباي كۇش جۇمساۋىمىزعا سەپ بولادى دەپ سەنەمىن. شىن مانىندە تەرروريستەرگە دەر كەزىندە ءمان بەرىپ، كوزىن جويماسا بولمايدى. ولار -  الەم تىنىشتىعىنا قاۋىپ توندىرەتىن بىردەن-ءبىر ۇيىم.

www.24.kz