قازاق سپورتىنداعى سۇربويداقتار كىمدەر؟

استانا. قازاقپارات - وتاندىق سپورتشىلار اراسىندا وتاۋ قۇرىپ ۇلگەرمەگەن سۇربويداقتار بارشىلىق.

ولار سپورتتا بيىك شىڭداردى باعىندىرىپ، بۇگىندە تالاي قىزداردىڭ ارمانى بولىپ وتىر.

NUR. KZ پورتالى baistars.kz-كە سىلتەمە جاساپ ولاردىڭ ءتىزىمىن نازارلارىڭىزعا ۇسىنادى.

دانيار ەلەۋسىنوۆ، بوكسشى

دانيار 1991-جىلى 13- ناۋرىزدا باتىس قازاقستان وبلىسىندا تۋعان. قازاقستاندىق اۋەسقوي- بوكسشى ازيادا-2010 جەڭىمپازى، 2013 -جىلعى الماتى قالاسىندا وتكەن اۋەسقوي بوكستان 69 كەلى سالماقتا الەم چەمپيونى اتاندى، حالىقارالىق سپورت شەبەرى.

سونداي-اق، بىرنەشە دۇركىن قازاقستان چەمپيونى، 2006-جىلى كادەتتەر اراسىندا الەم چەمپيونى، 2008-جىلى مەكسيكادا وتكەن جاستار اراسىندا الەم چەمپيوناتىنىڭ فيناليستى، 2009-جىلى قازاقستاننىڭ جاستار ويىندارى جەڭىمپازى.

2010-جىلى قازاقستان جانە گۋاڭجوۋدا وتكەن ازيا ويىندارى چەمپيونى، قازاقستان كۋبوگى-2012 چەمپيونى. استانا قالاسىندا تۇرىپ، سول جەردە اكەسى ەلەۋسىنوۆ ماراتتىڭ قول استىندا جاتتىعادى. 2012-جىلعى لوندونداعى جازعى وليمپيادا ويىندارىنىڭ قاتىسۋشىسى.

ادىلبەك نيازىمبەتوۆ، بوكسشى

1989-جىلى 19-مامىردا ومىرگە كەلگەن. قازاقستاننىڭ ەڭبەك سىڭىرگەن سپورت شەبەرى، قۇرمەت وردەنىنىڭ يەگەرى، باكۋدە وتكەن اۋەسقوي بوكستان الەم چەمپيوناتىنىڭ كۇمىس جۇلدەگەرى. جارتىلاي اۋىر سالماقتا 2012-جىلعى لوندوندا وتكەن وليمپيادا ويىندارىنىڭ كۇمىس جۇلدەگەرى.

بەيىمبەت قانجانوۆ، سامبوشى

بەيىمبەت قانجانوۆ 1991-جىلى 13- ناۋرىزدا قاراعاندى وبلىسى، شەت اۋدانى، اقسۋ- ايۋلى اۋىلىندا تۋىلعان. سامبودان سپورت شەبەرى، 2011-جىلى سامبودان ازيا چەمپيونى، 2013-جىلعى قازاندا وتكەن ۋنيۆەرسيادانىڭ كۇمىس جۇلدەگەرى، بيىل قاراشادا وتكەن ماروككوداعى سامبودان الەم چەمپيونى.

ەلدوس احمەتوۆ، فۋتبولشى

ەلدوس احمەتوۆ - 1990-جىلى جامبىل وبلىسىندا دۇنيەگە كەلگەن. «استانا» فۋتبول كلۋبىنىڭ قورعاۋشىسى. «تاراز» فۋتبول كلۋبىنان شىققان ەلدوس 18 جاسىندا قازاقستان چەمپيوناتىنا قاتىستى. «ەرتىس»، «تاراز» فۋتبول كلۋبتارىندا ويناعان. 2013-جىلدان باستاپ «استانا» فۋتبول كومانداسىنىڭ ويىنشىسى.

ۇلان قونىسبايەۆ، فۋتبولشى

ۇلان قونىسبايەۆ - «قايرات» فۋتبول كلۋبىنىڭ جارتىلاي قورعاۋشىسى. 1989-جىلى وسكەمەندە دۇنيەگە كەلگەن. قازاقستان چەمپيونى، قازاقستان كۋبوگىنىڭ يەگەرى، قازاقستان سۋپەركۋبوگىنىڭ يەگەرى، 2011-جىلعى قازاقستاننىڭ ەڭ ۇزدىك فۋتبولشىسى.

ەلدوس سمەتوۆ، دزيۋدودان الەم چەمپيونى

1992-جىلى دۇنيەگە كەلگەن دزيۋدوشى ەلدوس سمەتوۆ - قازاقستان ۇلتتىق قۇراماسىنىڭ مۇشەسى. 60 كەلى سالماقتا كۇرەسەتىن سپورتشى 2010-جىلى جاسوسپىرىمدەر اراسىنداعى ازيا چەمپيوناتىندا التىن الدى.

وسى جىلى ماروككو ەلىندە وتكەن جاسوسپىرىمدەر اراسىنداعى الەم چەمپيوناتىندا جەڭىسكە جەتتى. ال 2011-جىلعى الەمدىك سىندا قولا جۇلدەگە يە بولعان. 2012-جىلى تاشكەنت (وزبەكستان) قالاسىندا وتكەن ەرەسەكتەر اراسىنداعى الەم كۋبوگىنىڭ كەزەڭىندە جەڭىمپاز اتاندى.