الماتى وبلىسىندا رەكەتيرلەر رەسەيلىك الىس ساپارعا جۇك تاسيتىن كولىك جۇرگىزۋشىسىن توناماقشى بولعان

تالدىقورعان. قازاقپارات - «مەجدۋرەچينسك- چاپايەۆو» تاس جولىندا ءۇش بەلگىسىز بىرەۋلەر جۇك كولىگىن جول شەتىنە ىعىستىرىپ، «Nexia» كولىگىمەن جولىن بوگەپ، ر ف كالۋجسك وبلىسىنىڭ الىس ساپارعا جۇك اپارا جاتقان 45 جاستاعى جۇرگىزۋشىسىن توناماقشى بولعان.

الماتى وبلىسى ءى ءى د باسپا ءسوز قىزمەتىندە حابارلاعانداي، ءوز كابيناسىنان تۇسپەي، ىشتەن جاۋىپ العان جۇرگىزۋشى ۇيالى تەلەفون ارقىلى پوليتسەيلەرگە ينوماركانىڭ ماركاسى مەن ءنومىرىن ايتىپ حابارلاسقان.

ارتىنشا وسى جولدى تورۋىلدايتىن پوليتسەيلەرگە باعدار بەرىلدى. سوڭىنان قۋعان پوليتسيا «Nexia» كولىگىن، ونىڭ ىشىندەگى 20-28 جاس ارالىعىنداعى ءۇش كۇدىكتىنى ۇستادى. قازىرگى ۋاقىتتا ولاردى ىلە ا ءى ءى ب- دە قاماۋعا الدى.

توناۋعا ارەكەت ەتۋ فاكتىسى بويىنشا سوت الدى تەرگەۋ شارالارى باستالدى، دەپ اتاپ ءوتتى وبلىستىق پوليتسيادان.