مانەرلەپ سىرعاناۋ: ەليزابەت تۇرسىنبايەۆا ەستونيا تۋرنيرىندە كۇمىس جۇلدەنى يەلەندى

قىزىلوردا. قازاقپارات - 19 -قاراشا كۇنى تالليندە (ەستونيا) مانەرلەپ سىرعاناۋدان وتكەن «TALLINN TROPHY 2015» حالىقارالىق تۋرنيرىندە ەليزابەت تۇرسىنبايەۆا كۇمىس جۇلدەنى ەنشىلەدى.

بۇل تۋرالى قىزىلوردا وبلىستىق دەنە شىنىقتىرۋ جانە سپورت باسقارماسىنىڭ باسپا ءسوز قىزمەتى حابارلادى.

ول قىسقا باعدارلامادا ءۇشىنشى، ەركىن باعدارلامادا ەكىنشى ورىندى يەلەنىپ، قورىتىندىسىندا 174.87 بالمەن كۇمىس جۇلدەگە يە بولدى.

ەل ابىرويىن اسقاقتاتىپ جۇرگەن جەرلەسىمىز وسى باسەكەدە قازاقستاننىڭ نامىسىن قورعاعان جالعىز مانەرلەپ سىرعاناۋشى.

تۋرنير قورىتىندىسىندا قازاقستان ەكىنشى ورىندى يەلەندى. ءبىرىنشى ورىندا - رەسەي، ءۇشىنشى ورىندا - ا ق ش سپورتشىلارى.

ەليزابەت ەندى جەلتوقسان ايىندا زاگرەب قالاسىندا (حورۆاتيا) وتەتىن حالىقارالىق تۋرنيرگە، 20-21 -جەلتوقساندا قىزىلوردادا بولاتىن ق ر چەمپيوناتىنا جانە 2016 -جىلدىڭ اقپان ايىندا نورۆەگيانىڭ ليللەحاممەر قالاسىندا بولاتىن قىسقى جاسوسپىرىمدەر وليمپياداسىنا قاتىسادى.

اۆتور: ەلۋباي اۋەزوۆ