14:13, 20 - قاراشا 2015 | GMT +5
استانادا تەراكتىنىڭ جولى كەسىلدى - ءا. جاقسىبەكوۆ
استانا. قازاقپارات - قازاقستاننىڭ ۇلتتىق قاۋىپسىزدىك كوميتەتى ەلوردادا جوسپارلانعان تەراكتىنىڭ الدىن الدى. بۇل تۋرالى بۇگىن زاڭدىلىقتى، قۇقىقتىق ءتارتىپتى جانە قىلمىسقا قارسى كۇرەستى قامتاماسىز ەتۋ بويىنشا استانا قالاسى ۇيلەستىرۋ كەڭەسىنىڭ كەزەكتى وتىرىسىندا ەلوردا اكىمى ادىلبەك جاقسىبەكوۆ ءمالىم ەتتى.
«لاڭكەستىككە قارسى ماسەلەلەر ءبىرىنشى ورىنعا شىعۋدا. 4 اي بۇرىن قالادا ۇلتتىق قاۋىپسىزدىك كوميتەتى استانادا تەراكتىنى جوسپارلاعان جاسىرىنعان جانە جابدىقتالعان ۇلكەن توپتى اشكەرە ەتتى»، - دەدى ءا. جاقسىبەكوۆ.
وتىرىس بارىسىندا اكىم لاڭكەستىك قاتەرلەردىڭ الدىن الۋ مەن جولىن كەسۋ بويىنشا جۇمىستاردى كۇشەيتۋ كەرەكتىگىن قاداپ ايتتى.
«كەشە قالالىق لاڭكەستىككە قارسى كوميسسيانىڭ وتىرىسى ءوتتى. بارلىق ءتيىستى قۇرىلىمدارعا تاپسىرما بەرىلدى. وسى ماسەلەدە قۇقىق قورعاۋ ورگاندارى حالىقتىڭ كومەگى مەن قولداۋىنا يەك ارتۋى قاجەت»، - دەدى ول.
اۆتور: رۋسلان عابباسوۆ
