كۇرشىم بالىعىن قىتايعا جونەلتۋگە كەلىسىم جاسالدى
تەك بيىلعى جىلدىڭ وزىندە 200 توننا قاقتالعان، 500 توننا سۇرىپ جانە 900 توننا تارتىلعان بالىق ەتىن ەكسپورتتاماق.
كاسىپورىن ءونىمى حالىقارالىق تالاپقا ساي ەكەنىن دالەلدەيتىن ارنايى سەريفيكات تا العان. ەشبىر قالدىقسىز ءونىم وندىرەتىن قۇرال- جابدىقتار دا جاڭا. ال بالىقتىڭ سۇيەگىنەن ۇن تارتىلىپ، قۇس فابريكالارىنا جەم رەتىندە جەتكىزىلەدى. قازىر بۇل زاۋىت وبلىستاعى قۇس وسىرەتىن كاسىپورىنداردىڭ كوبىن جەممەن قامتاماسىز ەتىپ وتىر.
زايسان كولىنىڭ جاعاسىن قونىستانعان 10 شاقتى اۋىلدان 280-گە جۋىق ادام وسى زاۋىتتا تۇراقتى ەڭبەك ەتىپ جاتىر.
نۇرلان قاسىمحانوۆ، زاۋىت ديرەكتورى - ءبىز قازىر ءبىر ايدا 10 توننا بالىق وڭدەپ وتىرمىز. ەندى قىتاي ەلىمەن قوسىمشا كەلىسىم جاسادىق. سوعان سايكەس زاۋىتتى كەڭەيتىپ، 60 تونناعا دەيىن وڭدەۋمىز كەرەك. تاپسىرىس كولەمى ارتتى. ۋىلدىرىقتى زايسان كولىنە شاشۋ ءۇشىن قىتاي مەملەكەتى ازاماتتارىمەن بىرىگىپ عىلىمي جۇمىس جاساپ جاتىرمىز.
