سەزىمنىڭ سەمىپ بارا جاتقانىن قايدان بىلەمىز؟
ادام ءبىر كۇنى جالىعامىن-اۋ، جالىعىپ كەتپەس پە ەكەم، باسقاعا كوزىم ءتۇسىپ كەتپەس پە ەكەن دەگەن سەنىمسىزدىكپەن جۇرگەندە عانا مۇندايعا ۇرىنادى. سەزىمىنە سەنىمدى ادام تەرىس ارەكەتكە جول بەرمەۋى ءوز قولىندا، ءوز ساناسىندا. ءوزىنىڭ ويىنا ءوزى سەنسە بولدى.
گۇل سەكىلدى نازىك سەزىم قوس تاراپتان دا سۋارىلىپ تۇرماسا، سولىپ قالارى انىق. ال سەزىمنىڭ سەمىپ بارا جاتقانىن قايدان بىلەمىز؟
كۇلىمسىرەگەن كەلبەتىن سيرەك بايقايسىز. بۇرىن اشىق جارقىن ءجۇرىپ، كۇلىپ، كۇلدىرىپ وتىراتىن بولسا، ەندى قاباعىن شىتىپ الاتىن بولعان.
ءسوزىڭىزدى ءمان بەرىپ تىڭدامايدى. باستالعان اڭگىمەنىڭ تەز ءبىتۋىن قالايدى. ارالارىڭىزداعى ءسوز جاي ۋاقىت وتكىزىپ، تەك قاراپايىم نارسەلەردى سۇراۋ تۇرىندە جۇرەدى.
تىرناق استىنان كىر ىزدەپ، ءسال نارسەگە جۇيكەسى جۇقارىپ، داۋىس ىرعاعى بىردەن وزگەرەدى.
پىكىرىڭىزگە كەلىسپەي، ۇنەمى قارسى پىكىر ايتادى نە جاعىمسىزدىق سەزىمىن ۇنسىزدىكپەن جەتكىزەدى. ونىمەن سويلەسۋ، ارالاسۋ ەش ءمانى قالماعانداي بولادى.
قامقورلىق سەزىنبەگەن سوڭ، ءجيى تورىعىپ مۇڭعا باتاسىز. اينالانى قويۋ قاراڭعىلىق باسقانداي بولادى.
بۇرىن جاقسى كورگەن ءاتىرىنىڭ ءيىسى دە ەندى جەك كورىنىش تۋدىرادى.
وسىنداي وعاش قىلىقتار بايقالسا، قارىم-قاتىناسىڭىز بۇزىلۋىن قالاماساڭىز، بىردەن اشىق اڭگىمەگە تارتقان ءجون. اراقاتىناستى توقتاتاتىن جاعدايدا دا سەرگەلدەڭگە سالىنىپ جۇرە بەرگەنشە، بىردەن ماسەلەنىڭ باسىن اشىپ العان ارتىق.
massaget.kz
