جاڭا جىلدان باستاپ قازاقستاندا شەتەلدىك ارنالار جابىلۋى مۇمكىن

استانا. قازاقپارات - جاڭا جىلدان باستاپ ەلىمىزدە كورسەتىلەتىن شەتەلدىك ارنالار جابىلۋى مۇمكىن.

سەبەبى مەملەكەت باسشىسى قول قويعان جاڭا زاڭ، شەتەلدىك ارنالاردىڭ ەل اۋماعىندا جارناما تاراتۋىنا تىيىم سالادى دەپ حابارلايدى 31- ارنا.

شەتەلدىك ارنالاردىڭ قازاقستان اۋماعىندا جارناما تاراتۋىنا تىيىم سالۋ تۋرالى باستاما ءبىر جىل بۇرىن ءداستۇرلى مەديا قۇرىلتايدا ايتىلعان.

بيىلعى ب ا ق وكىلدەرىنىڭ باس قوسۋىندا اتالعان ماسەلە شەشىمىن تاۋىپ، جاڭا زاڭنىڭ كۇشىنە ەنەتىنى بەلگىلى بولدى.

1- قاڭتاردان باستاپ شەتەلدىك تەلەارنالاردا، قازاقستاندا جاريا ەتەتىن تەلەارنالاردا جارناماعا تىيىم سالىنعاننان كەيىن كەم دەگەندە قازاقستاندىق تەلەارنالارعا قوسىمشا 3-4 ميلليارد تەڭگە تۇسەدى.

3-4 ميلليارد تەڭگە دەگەنىمىز نە؟ ول كەم دەگەندە 1000 ساعات تەلەسەريال، دەيدى 31- ارنانىڭ باس ديرەكتورى باعدات قوجاحمەتوۆ.

بىلتىر رەسەي مەملەكەتى 1800 ساعاتتىق تەلەسەريال تۇسىرسە، قازاقستان 200 ساعات قانا سەريال تۇسىرگەن. تەلەارنا باسشىسى جارنامادان بولەك، مەملەكەتتىك تاپسىرىس تۋرالى دا ءوز ويىن ءبىلدىردى.

وتاندىق اقپارات قۇرالىن مەملەكەت قولداماسا، وزگە ەلدەن قولداۋ تاۋىپ، وزگە ەلدىڭ ىقپالىنا ءتۇسۋى مۇمكىن دەيدى. ال شۋلى ماقالالارىمەن تانىمال راتەل. ك ز پورتالىنىڭ رەداكتورى بۇل پىكىرمەن كەلىسپەيدى.

مەملەكەتتىك تاپسىرىس تۋرالى ايتساق، مەنىڭشە جويىلسىن دەپ ايتامىن. ويتكەنى اقپارات قۇرالدارى مۇگەدەك سياقتى بولىپ ءجۇر. بيلىكتىڭ اۋزىنا قاراپ، قولىنا قاراپ، مەملەكەت بەرەدى مە، بەرمەيدى مە دەپ، دەيدى Ratel.kz پورتالىنىڭ باس رەداكتورى مارات اسيپوۆ.

ياعني، مارات ءاسىپوۆ مەملەكەتتىك تاپسىرىس اقپارات قۇرالدارىن ءسوز بوستاندىعىنان ايىرادى دەگەن قاۋىپتە. بۇگىندە كوپتەگەن تەلەارنالار مەن باسىلىمدار مەملەكەت بولەتىن قارجىعا تىكەلەي تاۋەلدى ەكەنى اقيقات. الايدا كەلەر جىل باسىندا كۇشىنە ەنەتىن جارناما تۋرالى زاڭ وتاندىق مەديا نارىققا ءبىراز وزگەرىس اكەلەرى انىق.