قازاقستاننىڭ قارۋلى كۇشتەرىندە زىمىران اسكەرلەرى جانە ارتيللەريا كۇنى اتاپ وتىلۋدە - فوتو
1940-جىلى «سوعىس قۇدايى» رەتىندە بەينەلەنگەن بۇل اسكەر ءتۇرى ۇلى وتان سوعىسىنىڭ شايقاس الاڭىندا ءوزىنىڭ ماقساتىن ورىنداپ شىقتى.
بارلىق وپەراتسيالاردا دەرلىك ارتيللەريا ەڭ باستى تاپسىرمالاردى ورىنداپ، قارسىلاستى قىرىپ-جويۋدىڭ نەگىزگى اتىس قۇرالى بولدى، دەپ حابارلادى ق ر قورعانىس مينيسترلىگىنىڭ باسپا ءسوز قىزمەتى.
«زىمىران اسكەرلەرى مەن ارتيللەريا ق ر ق ك- ءنىڭ جەكەلەگەن اسكەر تەگى رەتىندە 2003-جىلعى 7- مامىرداعى ق ر پرەزيدەنتىنىڭ جارلىعىمەن قۇرىلدى. قۇرلىق اسكەرلەرىنىڭ نەگىزگى اتىس كۇشى بولىپ تابىلادى، قارسىلاستى اتىسپەن قىرىپ-جويۋدا تاپسىرمالاردىڭ نەگىزگى كولەمىن ورىندايدى»، - دەيدى ق ر ق ك زىمىران اسكەرلەرى مەن ارتيللەريانىڭ قولباسشىسى پولكوۆنيك لۇت الشەكەنوۆ.
بۇل اسكەر ءتۇرىنىڭ ەرەكشەلىگى ولاردىڭ ءبىرقاتار ايقىن ارتىقشىلىقتارى، ياعني، وراعىتۋشىلىق، سوققىلاردىڭ جوعارى دالدىگى، ولاردى جاساۋ جەدەلدىگى، جىلدىڭ ۋاقىتىنان، تاۋلىگىنەن، اۋا رايىنان جانە وزگە دە جاعدايلاردان اتىس تيىمدىلىگىنىڭ ەلەۋلى ەمەس تاۋەلدىلىگى.
«ءبىز كەز كەلگەن اۋا رايىنا توتەپ بەرەمىز، جاڭبىرعا، جاۋىن-شاشىنعا قارامايمىز، بىزگە تويتارىس بەرۋ قيىن. ءبىز داميمىز دەپ ۇمىتتەنەمىن. ءبىزدىڭ قازىرگى ۋاقىتتاعى باستى مىندەتىمىز - ول ارتيللەريانىڭ اتىسىن باسقارۋدىڭ اۆتوماتتى جۇيەسى، ياعني، پارمەندەردى بەرۋ دالدىگى، ونىڭ شاپشاڭدىلىعى ادامعا ەمەس، تەحنيكاعا تاۋەلدى بولۋى قاجەت. نىسانانى كورىپ، 10-15 سەكۋندتان كەيىن اتىستى باستايسىڭ. بۇعان ءبىز تىرىساتىن بولامىز. ارتيللەريالىق زەڭبىرەكتەرىمىز بەن زىمىراندارىمىز قازىرگى ۋاقىتتا كەز كەلگەن تاپسىرمانى ورىنداۋعا قابىلەتتى»، - دەدى پولكوۆنيك لۇت الشەكەنوۆ.
ارتيللەرياعا جاس وفيتسەرلەرى قۇرلىق اسكەرلەرى اسكەري ينستيتۋتىنىڭ بازاسىندا دايارلاناتىنىن اتاپ وتكەن ءجون.
ال تەحنيكانى جاڭارتۋ بىرتىندەپ جۇرگىزىلەدى. «ارتيللەريالىق بولىمدەر مەن بولىمشەلەردىڭ جاراقتاندىرۋدا ءارتۇرلى تيپتەگى جانە كاليبرلى ارتيللەريالىق زەڭبىرەك بار. اتاپ ايتساق، رەاكتيۆتى ارتيللەريا، سونداي-اق ارەكەت ەتۋى بويىنشا سناريادتار مەن مينالار. ارتيللەريانىڭ الىس قاشىقتىققا ارەكەت ەتەتىن زەڭبىرەكتەرى، گاۋبيتسالارى، رەاكتيۆتى قوندىرعىلارى، تانكىگە قارسى زەڭبىرەكتەرى، مينا اتقىشتارى بار.
بۇل قۇرالداردىڭ بارلىعى قىسقا مەرزىمدە اتىستى باستاۋعا قابىلەتتى، موتواتقىش بولىمشەلەرىمىزدى ۇزدىكسىز الىپ جۇرەدى. جاڭارتۋ بىرتە-بىرتە ءجۇرىپ كەلەدى. وسى جىلى ءبىز بارلىق ەسكىرگەن 82 م م مينا اتقىشتاردى تولىق اۋىستىردىق، ارتيللەريانىڭ اتىسىن باسقارۋدىڭ اۆتوماتتاندىرىلعان جۇيەسى اياسىندا جاڭارتۋ جۇرگىزىلۋدە. بيىلعى جىلى ءبىز سۇيرەتىلەتىن ارتيللەرياعا ارنالعان اتىستى باسقارۋدىڭ اۆتوماتتاندىرىلعان جاڭارتىلعان كەشەنىن الدىق»، - دەدى ق ر ق ك زىمىران اسكەرلەرى مەن ارتيللەريانىڭ قولباسشىسى پولكوۆنيك لۇت الشەكەنوۆ.
سوىنمەن بىرگە، زىمىران اسكەرلەرى مەن ارتيللەريانىڭ اسكەري قىزمەتشىلەرى ق ر قارۋلى كۇشتەرىندە وتكىزىلەتىن بارلىق وقۋ-جاتتىعۋلارعا قاتىسادى.
