يتاليادا «مىستان قىزدىڭ» مولاسى تابىلدى
LiveScience- ءتىڭ اقپاراتىنشا، عالىمدار مارقۇمدى مىستان دەپ دەپ ساناعان سوڭ، ونى الدىن الا بولشەكتەپ، بەتىن جەرگە قاراتىپ جەرلەگەنىنە سەنىمدى بولىپ وتىر. زەرتتەۋشىلەردىڭ پىكىرىنشە، وعان يتالياندىق بويجەتكەننىڭ اۋرۋشاڭ ءتۇرى سەبەپ بولعان.
«شامالانىپ وتىرعاندي، مارقۇم قىز قىرقۇلاق (سينگا) دەرتىنە شالدىققان. س دارۋمەنىنىڭ جەتىسپەۋشىلىگى سالدارىنان ونىڭ ءتۇرى سولعىن ءارى اۋرۋشاڭ بولعان. بويجەتكەندى مىستان دەپ ساناۋى سوندىقتان بولار»، - دەپ مالىمدەدى عالىمدار توبىنىڭ باسشىسى، پاپالىق ريمدىك ارحەولوگيالىق اكادەمياسىنىڭ توپوگرافيا پروفەسسورى فيليپپ پەرگولا (Philippe Pergola) .
عالىمداردىڭ مالىمەتتەرىنشە، بويجەتكەن IX- XV عاسىرلاردا جەرلەنگەن. «مىستاننىڭ» ءولتىرىلۋىنىڭ بۇدان دا ناقتى داتاسىن راديو كومىرتەكتى تالداۋ جاسالعان سوڭ اتاۋعا بولادى.
«كەنت تۇرعىندارى بويجەتكەندى دۋاگەرلىكپەن اينالىسادى دەپ ساناعان بولار، سوندىقتان مارقۇمنىڭ تىرىلمەۋى ءۇشىن قولدان بارىن جاساعانى شامالانىپ وتىر»، - دەپ باياندادى پەرگولا.
مولا V- VI عاسىرلاردا سالىنعان كوستەلدا تابىلعان. الدىن الا بولجامدار بويىنشا، ول 1593-جىلدان بەرى قاراۋسىز تۇر. «مىستاننىڭ» مولاسى ەرتە ورتاعاسىرلىققا جاتقىزىلادى.
