ايسۇلۋ اسىلبەكوۆا وقۋشىلار اراسىندا ۇزدىك اتاندى - كەسكىن

استانا. قازاقپارات - ەلورداداعى وقۋشىلار سارايىندا قالالىق ءبىلىم باسقارماسىنىڭ «استانا دارىنى» وڭىرلىك عىلىمي- پراكتيكالىق ورتالىعى ۇيىمداستىرعان بايقاۋ ءوتتى.

 بيىل بايقاۋ تاقىرىبى قانىش ساتپايەۆ، ەۆنەي بوكەتوۆ جانە ءالىمحان ەرمەكوۆ سىندى قازاقستان عالىمدارىنا ارنالدى. بايقاۋعا استانا قالاسى جالپى ءبىلىم بەرۋ مەكەمەلەرىنىڭ 10-سىنىپ وقۋشىلارى قاتىستى. ولار الدىمەن قازاقستان تاريحى بويىنشا تەست تاپسىرىپ، ىرىكتەۋ كەزەڭىنەن ءوتتى. فينالعا 16 وقۋشى شىقتى. ول ءۇش كەزەڭنەن تۇردى: جالپى ەرۋديسيا بويىنشا سۇراقتار، «قازاقستان عالىمدارى: ق. ساتپايەۆ، ە. بوكەتوۆ، ءا. ەرمەكوۆ» ۆيكتوريناسى جانە بەرىلگەن تاقىرىپقا ءماتىن دايىنداۋ.

بۇل سىندا № 60-ليتسەي وقۋشىسى ايسۇلۋ اسىلبەكوۆا ۇزدىك اتاندى.