قازاقستاننىڭ ۆوكزالدارى مەن اۋەجايلارىندا قاۋىپسىزدىك شارالارى كۇشەيتىلدى - فوتو

استانا. قازاقپارات - ق ر ءى ءى م كولىكتەگى ءى ءى د قازاقستاننىڭ تەمىرجول ۆوكزالدارى مەن اۋەجايلارىندا قاۋىپسىزدىك شارالارىن كۇشەيتتى.

بۇل تۋرالى ۆەدومستۆونىڭ باسپا ءسوز قىزمەتىنەن حابارلادى.

كولىكتەگى ءىءى د 16 مىڭ ك م- دەن استام تەمىر جولعا قىزمەت ەتەدى، سونىڭ ىشىندە 303 تەمىرجول ۆوكزالى، 18 اۋەجاي بار. 18 اۋەجايدىڭ 16 سى حالىقارالىق ماڭىزداعى نىساندار.

18 -قاراشادا دەپارتامەنتتىڭ اكىمشىلىك پوليتسيا باسقارماسىنىڭ قىزمەتكەرلەرى استانا قالاسىنىڭ تەمىرجول ۆوكزالىندا تۇرعىنداردىڭ قاۋىپسىزدىگىن قامتاماسىز ەتۋ بويىنشا جەدەل- الدىن الۋ شارالارىن وتكىزدى.

«ەلدىڭ تەمىرجول ۆوكزالدارى مەن اۋەجايلارىندا پوليتسيا جاساعى بەكىتىلدى. ولار ۇنەمى قىزمەتتىك- ىزدەستىرۋ يتتەرىن تارتىپ، «اسكەريلەندىرىلگەن تەمىرجول كۇزەتى» ا ق جانە اۋەجايلاردىڭ ا ق ق قىزمەتكەرلەرىمەن بىرلەسىپ قاۋىپسىزدىكتى قامتاماسىز ەتۋ ءۇشىن مىندەتتەرىن اتقارۋدا. اۋەجايلاردىڭ تەكسەرۋ قىزمەتى كەلىپ-كەتىپ جاتقان جولاۋشىلاردى تاۋلىك بويى مۇقيات تەكسەرىپ جاتىر»، - دەدى اكىمشىلىك پوليتسيا باسقارماسىنىڭ باستىعى نۇرلان سادىقوۆ.

 ن. سادىقوۆ اتاپ وتكەندەي، تەكسەرۋدىڭ ءبىرىنشى جەلىسى استانا، الماتى، اقتوبە، اقتاۋ، اتىراۋ، جامبىل، شىمكەنت، زاشيتا، قوستاناي، كوكشەتاۋ اۋەجايلارىندا ورناتىلدى. وزگە اۋەجايلاردا دا تەكسەرۋدىڭ ءبىرىنشى جەلىسىن ورناتۋ جوسپارلانعان.