الماتىدا يبراگيم يسايەۆتى ەسكە الۋعا ارنالعان بيلياردتان جارىس وتەدى

الماتى. قازاقپارات - الماتىدا «الاش» سىيلىعىنىڭ لاۋرەاتى، بەلگىلى اقىن يبراگيم يسايەۆتى ەسكە الۋعا ارنالعان ونەر مەن تۆورچەستۆولىق قاۋىم جانە جۋرناليستەر وكىلدەرى اراسىندا بيلياردتان جارىس وتەدى، دەپ حابارلادى قالالىق اكىمدىكتىڭ باسپا ءسوز قىزمەتى.

سپورتتىق جارىس بەرەگوۆوي مەن جاندوسوۆ كوشەلەرىنىڭ قيىلىسىنداعى «اليانس» بيليارد كلۋبىندا 21 -قاراشادا كۇندىزگى 12:00 دە وتەدى.

يبراگيم يسايەۆ 1949 -جىلى 7 -قاڭتاردا قىزىلوردا وبلىسىنا قاراستى سىرداريا اۋدانىنىڭ جەتىكول اۋىلىندا تۋعان. قازاق مەملەكەتتىك ۋنيۆەرسيتەتىنىڭ جۋرناليستيكا فاكۋلتەتىن سىرتتاي وقىپ بىتىرگەن. سىرداريا اۋداندىق گازەتىندە ادەبي قىزمەتكەر، قىزىلوردا وبلىستىق حالىق شىعارماشىلىعى ۇيىندە نۇسقاۋشى- ادىستەمەشى، قازاقستان جازۋشىلار وداعىنىڭ كوركەم ادەبيەتتى ناسيحاتتاۋ بيۋروسىندا ءتىلشى- ادىسكەر، «ارا» جۋرنالىندا فەلەتونشى، «جالىن» الماناعىندا رەداكتور، «ساحنا- ستسەنا» جۋرنالىندا باس رەداكتور، «ساقشى - نا ستراجە» گازەتىندە، «اراي» جۋرنالىندا ءبولىم مەڭگەرۋشىسى بولىپ قىزمەت ىستەگەن.

ولەڭدەرى ءبىرقاتار شەتەل تىلدەرىنە اۋدارىلعان. «التىن سىرعا»، «تاڭ الدىنداعى ءان»، «تەربەلەدى قايىڭدار»، «جانىمنىڭ جارىعى» ت. ب. ولەڭدەر جيناقتارى جارىق كوردى.

كومي اقىنى ي. كۋراتوۆ، ورىس اقىنى ن. رۋبتسوۆ ولەڭدەرىن قازاقشاعا اۋدارعان.

يبراگيم يسايەۆ مىڭنان اسا قازاق اندەر ماتىندەرىنىڭ اۆتورى. اقىننىڭ ولەڭدەرى بارىمىزگە تانىمال. ر. رىمبايەۆا، م. ءجۇنىسوۆا، ب. شوكەنوۆ، ن. ەسقاليەۆا، ت. جامانقۇلوۆ، ج. ىسقاقوۆا، س. قالىموۆ، شاحيزادا، ءا. وقاپوۆ، «مۇزارت»، «جىگىتتەر»، «نۇرمۇقاسان» ت. ب. انشىلەر مەن توپتاردىڭ رەپەرتۋارلارىندا اقىننىڭ سوزىنە جازىلعان كوپتەگەن اندەر بار. سونىڭ ىشىندە: «ءان اعا»، «ساعىم دۇنيە»، «ءاپپاق قاراعىماي»، «دوستار ءانى»، «مەنىڭ ءاپپاق جەڭەشەم»، «وتانداستار» جانە تاعى دا باسقا اقىننىڭ كوپتەگەن اندەرى ناعىز حيتتەرگە اينالىپ كەتتى.

اۆتور: گۇلميرا عوسمان-ءالي