ونەر جۇلدىزدارى الماتىدا اۋلا سىپىردى - فوتو

استانا. قازاقپارات - بۇگىن الماتىدا ونەر جۇلدىزدارى قالا تازالىعىن ساقتاۋعا ات سالىستى. ارتىستەر قولدارىنا كۇرەك پەن سىپىرعى الىپ، كوممۋنالدىق قىزمەتكەرلەرگە كومەكتەستى، دەپ جازادى almaty.tv.

 قوقىس تازالاعان انشىلەر جۇمىستارىن اۋەزوۆ اۋدانىنان باستادى. بۇل شارا ەندى داستۇرگە اينالىپ، بەيسەنبى سايىن قالانىڭ ءار اۋدانىندا ۇيىمداستىرىلىپ وتىرماق.

«الماتى قالاسىنا باۋىرجان بايبەكتىڭ كەلۋىنە بايلانىستى تازالىق جۇمىستارى باستالىپ جاتىر. مەن قالا بۇدان دا ارى قاراي وركەندەپ، ودان دا بيىككە شىعادى دەپ ويلايمىن. تازالىق بار جەردە دەنساۋلىق تا جاقسى بولادى. كىشىلەرگە ىزەتتىلىك كورسەتۋ، ۇلگى بولۋ كەرەك. سەبەبى ولار ءبىزدى كورىپ وسەدى عوي»، - دەدى ق ر ەڭبەك سىڭىرگەن ءارتىسى مارات وماروۆ.

بۇگىندە اۋەزوۆ اۋدانىندا 260 مىڭعا جۋىق تۇرعىن تۇرادى. مۇندا 1507 قوقىس جاشىگىنە ارنالعان 243 كونتەينەر بار. كۇن سايىن اۋداننان 300 توننا قوقىس شىعارىلادى. تازالىق جۇمىستارىنا 180 قىزمەتكەر مەن 40 ارنايى تەحنيكا جۇمىلدىرىلعان.