مۇحتار ءابىلازوۆتى رەسەيگە عانا ەكستراديتسيالاۋى ىقتيمال - يۋ. چايكا
بۇل تۋرالى بۇگىن استانادا ت م د مەملەكەتارالىق سىبايلاس جەمقورلىققا قارسى كەڭەسىندە ر ف باس پروكۋرورى يۋريي چايكا ءمالىم ەتتى.
«ونى ەكستراديتسيالايتىن بولسا، تەك ر ف- كە عانا بەرەدى. ءبىز كوپ ءىس اتقاردىق، بارلىق سوت ينستانتسيالارىنان وتتىك، فرانسيا ءبىزدىڭ ۇستانىمىمىزدى قولدادى - مۇحتار ءابىلازوۆ رەسەي فەدەراتسياسىنا ەكستراديتسيالانۋى كەرەك»، - دەپ اتاپ ءوتتى جۋرناليستەرگە بەرگەن سۇحباتىندا.
«ءبىزدىڭ بۇل ۇستانىمىمىزدى فرانسيا ۇكىمەتى دە قولداپ وتىر. مەملەكەتتىك كەڭەس دەڭگەيىندە ساياسي شەشىم جاسالۋى ءتيىس. ەگەر ونداي شەشىم جاسالىپ جاتسا، وندا ول رەسەيگە بەرىلەدى. ول ر ف اۋماعىندا قىلمىس جاسادى، ر ف قاراجاتتارىنا قول سۇقتى، بىرنەشە ميلليارد دوللاردى جىمقىردى، سوندىقتان ەگەر ەكستراديتسيالانسا، وعان بىرنەشە ايىپتار تاعىلادى»، - دەيدى يۋ. چايكا.
اۆتور: جاسۇلان جولدىبايەۆ
