شەنەۋنىكتەر وزدەرىنىڭ كىرىستەرى مەن شىعىندارىن جاريالاپ وتىرۋعا مىندەتتەلەدى
بۇل تۋرالى بۇگىن ت م د ەلدەرىنىڭ سىبايلاس جەمقورلىققا قارسى كۇرەس مەملەكەتارالىق كەڭەسىنىڭ وتىرىسىندا ق ر پرەزيدەنتىنىڭ كومەكشىسى، ق ر قاۋىپسىزدىك كەڭەسىنىڭ حاتشىسى نۇرلان ەرمەكبايەۆ ءمالىم ەتتى.
«پرەزيدەنت اۆتونومدى، كاسىبي مەملەكەتتىك اپپاراتتى قۇرۋدى، زاڭ ۇستەمدىگىن قامتاماسىز ەتۋدى، ەكونوميكانىڭ يندۋستريالاندىرۋ مەن ءارتاراپتاندىرۋدى، قوعام الدىندا ەسەپ بەرەتىن اشىق ۇكىمەتتى قۇرۋدى تاپسىردى. وسى تاپسىرمالاردى ورىنداۋ ماقساتىندا ءبىزدىڭ ەلدە جەمقورلىقتى مونيتورينگىلەۋ، جەمقورلىق تاۋەكەلدەرىن تالداۋ شارالارىن ەنگىزەتىن «جەمقورلىققا قارسى كۇرەس تۋرالى» جاڭا زاڭ قابىلداندى.
قارجىلىق باقىلاۋ شارالارى كۇشەيتىلدى. ەگەر بۇرىندارى مەملەكەتتىك لاۋازىمدى تۇلعالار مەن كۆازي مەملەكەتتىك سەكتوردىڭ سۋبەكتىلەرى تەك وزدەرىنىڭ پايدا كوزدەرىن جاريالاپ كەلگەن بولسا، ەندى دەكلاراتسيا شىعىندارىن دا كورسەتۋى مىندەتتەلەتىن بولادى.
كىرىس پەن شىعىندارىن «ا» كورپۋسىنىڭ ساياسي جانە اكىمشىلىك قىزمەتكەرلەرى - جوعارى لاۋازىمدى تۇلعالار، پارلامەنت دەپۋتاتتارى، سۋديالار، كۆازي مەملەكەتتىك سەكتوردىڭ باسقارۋشى تۇلعالارى كورسەتۋلەرى شارت. مۇنداي مالىمەتتەر مىندەتتى تۇردە جاريالانىپ وتىرۋى ءتيىس»، - دەپ اتاپ ءوتتى ول.
اۆتور: جاسۇلان جولدىبايەۆ
