قۇرعاقشىلىقپەن كۇرەسۋگە ارنالعان ەرەكشە تۇيىرشىكتەر

استانا. قازاقپارات - مەملەكەتتىك ۋنيۆەرسيتەتىنىڭ عالىمدارى بىرەگەي جوبانى ۇسىندى. جوبا، اسىرەسە اۋىل شارۋاشىلىعى ءۇشىن تاپتىرمايتىن بولىپ شىقتى. سويتسە، حيميكتەر سۋدى مۇز   كۇيى ساقتاۋعا مۇمكىندىك بەرەتىن تۇيىرشىك ويلاپ تاپقان ەكەن.

 بۇل - اۋا رايى قۇرعاق جەرلەردى سۋارۋعا ارنالعان ارنايى سوربەنت. مۇنداي تۇيىرشىكتىڭ 1 كەلىسى شامامەن 500 ليتىر سۋدى بويىنا ءسىڭىرىپ الىپ، مولشەرىن ۇلكەيتەدى.

   پوليمەردەن جاسالعان تۇيىرشىك ماتريتساسىنا تۇسكەن سۋ، ونىڭ قابىرعالارىمەن بايلانىس ورناتادى دا مۇزعا اينالىپ، سوربەنتتىڭ بويىنا قاتىپ قالادى. ال سۋارعان كەزدە تۇيىرشىكتەر بويىنداعى سۋدى جەرگە جىبەرەدى.  

 سۋارۋ تاسىلىنە توقتالار بولساق، اۋەلى تۇيىرشىكتەر ەگىس القابىنا «سەبىلەدى» دە ونىڭ ۇستىنە سۋ شاشىلادى. سول كەزدە جەر قاباتىنا ەنىپ كەتكەن تۇيىرشىكتەر ونى سۋارادى.   ونەرتاپقىشتاردىڭ ايتۋىنشا، وتاندىق سوربەنت يمپورتتى بالاماسىنان الدەقايدا ارزان جانە ول سۋ شىعىنىن  50 پايىزعا دەيىن قىسقارتۋعا جول اشادى، دەپ جازادى informing.ru.

www.24.kz