عارىش ستانساسىندا العاش رەت گۇلدەر وسىرىلۋدە

استانا. قازاقپارات - حالىقارالىق عارىش ستانساسىندا جاڭا جىل قارساڭىندا گۇلدەر وركەن جايىپ قالۋى عاجاپ ەمەس. ءسويتىپ، استروناۆتار كەلەر جىلدى حوش ءيىستى   گۇلدەرمەن قارسى الۋى مۇمكىن.

 سوزدەرىمىز دالەلدى بولۋى ءۇشىن ەكيپاج قۇرامىنداعى امەريكالىق چەلل ليندگرەننىڭ ىسكە اسىرىپ جاتقان VEGGIE جوباسىن اتاپ وتەيىك. استروناۆت جوبا اياسىندا ۇلپەك گۇلدەردى وسىرۋمەن اينالىسۋدا. ەگەر ءبارى ويداعىداي بولسا، عارىش ستانساسىنداعى العاشقى گۇلزار جاڭا جىل قارساڭىندا پايدا بولادى.

ليندگرەننىڭ ايتۋىنشا، تەپە- تەڭسىزدىك جاعدايدا گۇل ءوسىرۋ - وتە قيىن شارۋا. سەبەبى وتىرعىزىلعان گۇل تۇقىمى جەتىلىپ كەتۋى ءۇشىن ونىڭ اينالاسىن دۇرىس جارىقتاندىرىپ، سۋارا ءبىلۋ كەرەك. جالپى VEGGIE جۇيەسى - بۇل   ميكروتولقىندى پەش مولشەرلەس شاعىن باقشا. ح ع س ەكيپاجى بۇل جەردە وزدەرىن ازىق- تۇلىكپەن قوسىمشا قامتاماسىز ەتىپ، كوكونىستەر ءوسىرۋدى كوزدەۋدە، دەپ جازادى informing.ru.
www.24.kz