قىزىلوردا دارىگەرلەرى ەندى شالا تۋعان نارەستەلەردى ەسكى سالت - «تىماققا سالۋ» امالى بويىنشا باقپاق
بيىل 9 ايدا 510 بالا مەرزىمىنەن بۇرىن تۋىلعان. بۇل تۋرالى وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتى حابارلادى.
جاڭا تۋعان 35 شاقالاقتىڭ سالماعى 1 كەلىگە دە جەتپەيدى. بۇرىن ەگدە جاسقا كەلىپ بوسانعان ايەلدەردىڭ بالاسى ءالسىز بولسا، بۇگىندە يممۋنيتەتتىڭ تومەندىگى جاس انالاردان دا بايقالادى.
- كوپتەگەن ادامدا مەرزىمىنەن بۇرىن دۇنيەگە كەلگەن بالالاردىڭ ارى قارايعى تاعدىرى مەن مۇگەدەكتىككە بايلانىستى سۇراقتار تۋىندايدى. جورگەكتە جەتىلۋگە ءتيىستى بوپەنىڭ بابىن تابۋ وڭاي شارۋا ەمەس. اسا ۇقىپتى كۇتىم، جوعارى تەحنولوگيالىق قۇرالداردى قولدانا وتىرىپ ساپالى ەمدەۋ قاجەت. ۇزاق باقىلاۋ تاعى كەرەك، - دەيدى وبلىستىق انا مەن بالا ورتالىعى باس دارىگەرىنىڭ ورىنباسارى مانات بودىقوۆا.
اتا- اجەلەرىمىز بۇل پروبلەمانىڭ ءتۇيىنىن وتكەن عاسىرلاردا- اق شەشكەن. ون قۇرساق كوتەرىپ، ولاردى ءوسىرىپ- جەتىلدىرگەن باتىر انا ۇلجان اجەي شالا تۋىلعان نەمەرەسىن «تىماققا سالىپ» ءوسىرىپتى. قازىر ول سالت ءبىرشاما وزگەرگەن. جاڭالانعان نۇسقانىڭ اۆتورلارى - «28 ىلمەك» كلۋبى. قايىرىمدىلىق ۇيىمى شالا تۋىلعان نارەستەلەرگە قاجەتتى توقىما بۇيىمدارىن ازىرلەيدى.
ءالجۋاز بالانى باپتاۋدا اتا- بابالار امال- ارەكەتىن قازىرگى مەديتسينا دا مويىندادى. توقىما كيىمدەردىڭ شالا تۋعان بالالاردىڭ ءوسىپ- جەتىلۋىنە پايداسى وراسان ەكەنىن اق حالاتتىلار مەديتسينالىق تۇرعىدا دالەلدەنگەنىن ايتادى. قازىرگى تاڭدا وبلىستىق پەريناتالدى ورتالىق «28 ىلمەك» كلۋبىمەن تىعىز بايلانىستا.
اۆتور: ەلۋباي اۋەزوۆ
