ن. نازاربايەۆ: قازىرگى الەمدەگى قيىن جاعدايدا ەكونوميكانى تومەندەتپەي، جوعارى دارەجەدە ۇستاۋ - بارلىعىمىز ءۇشىن ابىروي

استانا. قازاقپارات - بۇگىن اقوردادا وتكەن ق ر ۇكىمەتىنىڭ كەڭەيتىلگەن وتىرىسىندا مەملەكەت باسشىسى نۇرسۇلتان نازاربايەۆ ق ر ۇكىمەتى مەن اكىمدىكتەرگە بۇرىنعىعا قاراعاندا ەكى ەسە ارتىق جۇمىس ىستەۋدى جۇكتەدى.

«قازىر بۇرىنعىعا قاراعاندا ەكى ەسە ارتىق جۇمىس ىستەۋ كەرەك. جىل اياقتالۋعا جاقىندادى. بارلىق ماسەلەلەردى ۇنەمى نازاردا ۇستاۋ كەرەك، ياعني بيىلعى جىلدى دۇرىستاپ اياقتاۋ كەرەك. ءار وبلىستا، اۋداندا، ءاربىر مينيسترلىكتە بارلىق ماسەلەلەردى قاراستىرىڭدار. مىنانداي جاعدايدا ەكونوميكانى تومەندەتپەي، جوعارى دارەجەدە ۇستاۋ - بارلىعىمىز ءۇشىن ابىروي. سوندىقتان ەل ءۇشىن جاساپ جاتقان ەڭبەكتەرىمىز تابىستى بولسىن!» - دەدى مەملەكەت باسشىسى وتىرىسقا قاتىسقان ۇكىمەت مۇشەلەرىنە قاراتىپ ايتقان سوزىندە.

سونىمەن قاتار پرەزيدەنت الەمدىك ەكونوميكاداعى جاعدايعا قاراماستان قازىرگى كەزدە قازاقستان حالقىنىڭ جاعدايى جامان ەمەس ەكەنىن ايتا كەلە: «ەل امان، جۇرت تىنىش، ءوز شارۋالارىن جاساپ جاتىر. داستارحانىندا تاماعى بار، باسپاناسى مەن كولىگى بار»، - دەدى.

اۆتور: رۋسلان عابباسوۆ