شوكەيەۆ نازاربايەۆتان وزىنە بۇدان دا جوعارى بيلىك بەرۋىن سۇرادى
ۇكىمەتتىڭ اقورداداعى كەڭەيتىلگەن وتىرىسى بارىسىندا شوكەيەۆ قوردى وزگەرتۋ شەڭبەرىندەگى ويدا بار دۇنيەلەردى جۇزەگە اسىرۋ ءۇشىن ءتارتىپتىڭ قاجەت ەكەنىن ايتتى. «وزگەرتۋلەر شۇعىل ءارى تىكەدەن-تىك ورىندالۋ ءۇشىن»، - دەدى قوردىڭ باسشىسى.
«ول ءتارتىپتى كىم ورناتادى؟»، - دەپ سۇرادى نازاربايەۆ. «وزگەرتۋلەر ءتارتىبى دەگەنىم عوي، بۇكىل حولدينگ بويىنشا سونداي كوماندانى تىكەدەن-تىك جىبەرۋ ءۇشىن مەندە قۇقىقتىڭ بولعانىن قالايمىن»، - دەپ جاۋاپ بەردى ءومىرزاق شوكەيەۆ.
«سەنى تىڭداماي ما؟»، - دەپ ءسوزىن جالعادى پرەزيدەنت. «تىڭدامايدى دەگەندە، مىسالى، مەن وكىلدىكتەر بويىنشا (شەتەلدەگى «سامۇرىق-قازىنا» - اۆتور) ءبىر جىل بۇرىن باسقارما شەشىمىن شىعاردىم، ءبىراق ءتۇرلى سەبەپتەرمەن ول وكىلدىكتەر ءالى جابىلعان جوق»، - دەدى شوكەيەۆ.
«سەن جاسسىڭ، ءبىلىمدىسىڭ، كۇشىڭ تاسىپ تۇر، ساعان وكىلەتتىلىك بەرىلدى، قىزمەتىڭ بار، سەن مەنى تىڭدامايدى دەپ شاعىمدانباقشىسىڭ با؟ تىڭداۋدىڭ ءوزى ىڭعايسىز. كىم تىڭدامايدى، ال ايت؟ «سامۇرىق-قازىنادا» ءومىرزاقتى كىم تىڭدامايدى؟»، - دەپ سۇرادى مەملەكەت باسشىسى. «ول جەردە مۇددە جەتەرلىك، ماعان ءسىزدىڭ ءبىر اۋىز ءسوزىڭىز كەرەك، بولدى»، - دەپ جاۋاپ بەردى شوكەيەۆ.
