قازاقستاندا بەنزيننىڭ قىمباتتاۋىنا ەشقانداي نەگىز جوق - ە. دوسايەۆ
بۇگىن ماجىلىستە «2015-2017 -جىلدارعا ارنالعان رەسپۋبليكالىق بيۋدجەت تۋرالى» زاڭعا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىنىڭ تانىستىرىلىمى بارىسىندا ق ر ۇلتتىق ەكونوميكا ءمينيسترى ەربولات دوسايەۆ وسىلاي مالىمدەدى.
«بۇگىنگى جاعدايدا بولجام جاساۋ - جاقسى ىرىم ەمەس. دەگەنمەن، كەسىپ ايتاتىن ماسەلە، ەگەر ءتىپتى تەحاكتسيزدەر ەنگىزۋگە قاتىستى باعا كوتەرىلسە دە، وعان قاتىستى تۇسەتىن اۋىرتپالىقتى قاراستىرۋ كەرەك. كەشە بىزگە وسىعان قاتىستى سۇراقتار قويىلدى عوي، ماسەلەن، قازىرگى تونناسىنا 4,5 مىڭ تەڭگەدەن 10,5 مىڭ تەڭگەگە دەيىن كوتەرۋ تۋرالى بولسا، وندا وسى 6 مىڭ تەڭگەنى ليترگە ءبولىپ، ونىڭ ورىن الۋى مۇمكىن اۋىرتپالىعىن ەسەپتەۋىمىز كەرەك»، - دەدى ەربولات دوسايەۆ بەنزيننىڭ باعاسىنا قاتىستى ماسەلەگە توقتالا وتىرىپ.
بۇل رەتتە مينيستر ساراپشىلار تاراپىنان ا ي-92 ماركالى بەنزينىنىڭ ليترى 3 تەڭگە كوتەرىلۋى مۇمكىن ەكەندىگى تۋرالى ايتىلعانىن، بۇدان باسقا دا بولجامدار تۋرالى ءسوز بولىپ جاتقانىن اتاپ ءوتتى. سونىمەن قاتار، ونىڭ ايتۋىنا قاراعاندا، ءدال قازىرگى كۇنى بەنزينگە باعانىڭ كوتەرىلۋىنە قاتىستى ەشقانداي دا العىشارت جوق. ويتكەنى، بەنزينگە تاپشىلىق تا جوق، تەك ساتۋشىلار اراسىندا باسەكە عانا بار.
«باعا ايىرماسى سالدارىنان قازاقستاندىق بەنزيننىڭ رەسەيگە اعىلۋى دا ورىن العان ەمەس. مۇندا تەك باعا مامىلەلەرى تۋرالى ماسەلەلەر عانا بار، الايدا ونىمەن باسەكەلەستىكتى قورعاۋ جانە تابيعي مونوپوليالاردى رەتتەۋ كوميتەتى اينالىسادى. قازىر وڭىرلەردەگى باقىلاۋدا تۇرعان 74 زەرتتەۋ نىسانىنىڭ باسىم بولىگى جانار- جاعارماي نارىعى مەن ازىق- تۇلىككە قاتىستى بولىپ تابىلادى. بۇل ماسەلەلەر ۇدايى باقىلاۋدا بولادى»، - دەدى ە. دوسايەۆ.
اۆتور: قانات مامەتقازى ۇلى
