فرانسيادا قازاقستاندىق اسكەري تەڭىزشىلەر سۋاستى اپپاراتتاردى قولدانۋدى ۇيرەندى
ەكى اپتا بويى فرانسيانىڭ تۋلون قالاسىندا ق ر ق ك اسكەري-تەڭىز كۇشتەرىنىڭ اسكەري قىزمەتشىلەرى اۆتونومدى جانە تەلەباسقارىلاتىن سۋاستى اپپاراتتارىن قولدانۋ جانە پايدالانۋ جونىندەگى كۋرستان ءوتتى، دەپ حابارلادى ق ر قورعانىس مينيسترلىگىنىڭ باسپا ءسوز قىزمەتىنەن.
سۋاستى اپپاراتتارى سۋ ءتۇبىنىڭ بەدەرى، تۇنبانىڭ ۇستىڭگى قاباتىنىڭ قۇرىلىمى، سۋ تۇبىندە زاتتار مەن بوگەتتەردىڭ بولۋى تۋرالى اقپارات جيناقتاۋ ءۇشىن ارنالعان. اۆتونومدى سۋاستى اپپاراتتارىنىڭ كەيبىر تۇرلەرى ۇلكەن تەرەڭدىككە باتادى جانە الاڭدىق تۇسىرىلىمدەر، سۋاستى وبەكتىلەرىن، ماسەلەن، قۇبىرلاردى مونيتورينگىلەۋ، سۋاستى مينالاردى ىزدەستىرۋ جانە زالالسىزداندىرۋ ءۇشىن پايدالانىلادى.
قازاقستاندىق اسكەري تەڭىزشىلەر سۋاستى اپپاراتتاردى ءوندىرۋ زاۋىتىنا باردى، ولاردىڭ جۇيەسى مەن بىلىگىن زەردەلەدى، ودان باسقا، تەڭىزدە وقۋ وپەراتسيالارىن، بورتتىق دەڭگەيدەگى قىزمەت كورسەتۋدى جۇرگىزدى.
«وقۋ كۇندەرىنىڭ بىرىندە اسكەري قىزمەتشىلەرىمىز تەڭىزدە مينا ىزدەۋ بويىنشا تولىق وپەراتسياعا قاتىستى. وسى سۋاستى اپپاراتتارى بيىلعى جىلى قازاقستان رەسپۋبليكاسى قارۋلى كۇشتەرى اسكەري-تەڭىز كۇشتەرىنىڭ جاراقتاندىرىلۋىنا كەلىپ تۇسەدى دەپ كۇتىلۋدە.
ق ر ق ك اسكەري-تەڭىز كۇشتەرى قارۋ-جاراعىنىڭ تولىقتىرىلۋى ارميانىڭ جاۋىنگەرلىك قابىلەتتىلىگىن ارتتىرۋعا ىقپال ەتەتىنىن ايتا كەتەيىك.
جىل سايىن ا ت ك- ءنىڭ ارسەنالى زاماناۋي تەحنيكامەن جاڭارتىلىپ تۇرادى. سوڭعى جاڭارتىلعان تەحنيكانىڭ ءبىرى نيەۆسك كەمە قۇراستىرۋ زاۋىتىندا وندىرىلگەن سۋ جاڭا مينا-تارتقىش كورابلى بولدى»، دەلىنگەن حابارلامادا.
