استانا اۋماعىندا تەرروريزمدى ناسيحاتتاعانى ءۇشىن ەكى ادام سوتتالدى
«2015 - جىلدىڭ شىلدەسى مەن تامىزى ارالىعىندا شەتەلدەگى «تاكفير» جانە «قارۋلى دجيحاد» راديكالدى ءدىني يدەيالارىنىڭ جاقتاستارى ا. جانە گ. ەسىمدى ازاماتتار بىرلەسىپ،
وزدەرىنىڭ زاڭعا قايشى ارەكەتتەرىمەن قوعامعا قاۋىپ توندىرەتىنىن بىلە تۇرا، استانا قالاسىنىڭ اۋماعىندا راديكالدى ءدىني اعىمدى ناسيحاتتاپ، «كافيرلەرگە» قارسى ءىس- ارەكەتتەر جاساۋ ءۇشىن ازاماتتاردى «يسلام مەملەكەتى» حالىقارالىق تەرروريستىك ۇيىمىنىڭ قاتارىنا قوسىلۋعا شاقىرعان»، دەلىنگەن حابارلامادا.
بۇل فاكتى 26.08.2015 ج. استانا قالاسى ۇ ق ك د- ءنىڭ س د ت ب ت- نە قازاقستان رەسپۋبليكاسىنىڭ ق ك 256-بابىنىڭ 2- ءبولىمى، 258-بابىنىڭ 1- ءبولىمى بويىنشا تىركەلدى.
25.09.2015 ج. ق ر ق ك 256-بابىنىڭ 2- ءبولىمى، 258-بابىنىڭ 1- ءبولىمى بويىنشا ايىپتاۋ اكتىسىمەن ا. جانە گ. ەسىمدى ازاماتتارعا قاتىستى قىلمىستىق ءىس قابىلدانعان شەشىمنىڭ زاڭدىلىعىن تەكسەرۋ جانە سوتقا جىبەرۋ ءۇشىن استانا قالاسىنىڭ پروكۋراتۋراسىنا كەلىپ ءتۇستى.
قالا پروكۋراتۋراسىمەن زەردەلەۋدىڭ ناتيجەسى بويىنشا ايىپتاۋ اكتىسى بەكىتىلدى جانە 30 - قىركۇيەكتە اتالعان ازاماتتاردى ايىپتاۋعا قاتىستى قىلمىستىق ءىس ءمانى بويىنشا قاراۋ ءۇشىن سارى ارقا اۋداندىق №2 سوتىنا جولداندى.
9 - قاراشا كۇنى استانا قالاسىنىڭ سارى ارقا اۋداندىق №2 سوتىنىڭ ۇكىمىمەن ا. جانە گ. مۇلىكىن تاركىلەۋمەن جازاسىن جالپى رەجىمدەگى تۇزەۋ كولونياسىندا وتەۋمەن 5 جىلعا باس بوستاندىقتارىنان ايىرىلدى.
