قىرعىزستان قازاقستاننىڭ تاجىريبەسىن مەڭگەرمەك
بۇل تۋرالى كەشە ساۋدا-ونەركاسىپ پالاتاسىنان حابارلادى.
قىرعىز دەلەگاتسياسىندا ساۋدا-ونەركاسىپ پالاتاسىنىڭ ۆيتسە-پرەزيدەنتى نۇرلان مۋسۋراليەۆ پەن قىرعىزستان ساۋدا-ونەركاسىپ پالاتاسىنىڭ قىرعىزستانداعى شاعىن جانە ورتا بيزنەستى دامىتۋ جانە قولداۋ بويىنشا كوميتەتىنىڭ ءتوراعاسى گۇلنار وسكەنبايەۆا بولدى.
«ءبىز «جاسىل» ەكونوميكانى ەنگىزۋ تاجىريبەسىن ءارى قاراي قىرعىزستاندا جۇزەگە اسىرۋ ءۇشىن ەنگىزۋگە نيەتتىمىز. بۇل ەنەرگيانى ۇنەمدەۋگە باعىت العان ەلدەر ءۇشىن وزەكتى. سونداي-اق جەكە سەكتوردا «جاسىل» ەكونوميكانى بەلسەندى تۇردە ەندىرۋگە ىنتالاندىراتىن جەتەكشى ەلدەردىڭ نورماتيۆتى- قۇقىقتىق اكتىلەرىمەن تانىستىق. بۇل جەردە ەنەرگيا تيىمدىلىگى، اتموسفەراعا توگىلەتىن قالدىق كولەمىن ازايتۋدى قامتاماسىز ەتۋ تۋرالى ايتىلىپ وتىر»، - دەپ اتاپ ءوتتى ن. مۋسۋراليەۆ.
ونىڭ سوزىنە قاراعاند، قىرعىزستان ساۋدا-ونەركاسىپ پالاتاسى ءوز قىزمەتىن ەنەرگيا ۇنەمدەۋ بويىنشا جوبالاردى بەلسەندى جۇرگىزۋگە باعىتتاماق. جاقىن ارادا ونىڭ مۇشەلەرى ەنەرگيا ۇنەمدەۋدىڭ نەگىزگى پرينتسيپتەرىمەن تانىسادى.
«كاسىپكەرلىك ورتا ەنەرگيا ۇنەمدەۋ جۇيەسىن ەنگىزۋ پايدالى ەكەنىن بىلەدى. ءبىز ولاردى ەنگىزۋدىڭ ءتيىمدى ادىستەرى جونىندە ايتۋىمىز كەرەك»، - دەدى ن. مۋسۋراليەۆ.
2015-جىلدىڭ ساۋىرىندە قىرعىزستان «جاسىل كوپىر» سەرىكتەستىك باعدارلاماسىنا قوسىلدى. مەموراندۋمعا قىرعىزستان ساۋدا-ونەركاسىپ پالاتاسىنىڭ پرەزيدەنتى مارات شارشەكەيەۆ قول قويدى.
اتاپ ءوتۋ كەرەك، قازاقستان پوستكەڭەستىك كەڭىستىكتە «جاسىل» ەكونوميكانى ەنگىزۋ ماسەلەسى بويىنشا كوش باسىنداعىلاردىڭ قاتارىندا. استانادا وتەتىن «ەكسپو-2017» بۇكىل الەمدىك كورمەسى دە ەنەرگيا ۇنەمدەۋ مەن بالامالى ەنەرگيا كوزدەرىن تابۋعا ارنالادى.
