03:57, 18 - قاراشا 2015 | GMT +5
فرانسيا سيرياداعى سودىرلارعا شابۋىلىن كۇشەيتتى
استانا. قازاقپارات - فرانسيا اسكەرى سيريادا «يراك پەن ليەۆانتتىڭ لاڭكەستىك توبى» بەكىنگەن ورىندارىنا جاسايتىن اۋە سوققىلارىنىڭ قارقىنىن كۇشەيتتى.
ولار سودىرلاردىڭ استاناسى سانالاتىن راككا قالاسىن ءبىر تاۋلىك ىشىندە وسىمەن ەكىنشى رەت بومبالاپ وتىر.
سالدارىنان لاڭكەستەردىڭ كوماندالىق بەكەتى مەن جاتتىعۋ لاگەرى جەرمەن-جەكسەن بولدى. وسىلايشا، ءبىر تاۋلىك ىشىندە شاھارعا باس-اياعى 36 جارىلعىش تاستالعان.
ايتا كەتكەن ءجون، فرانسيا - «يراك پەن ليەۆانتتىڭ لاڭكەستىك توبىنا» قارسى اسكەري وپەراتسيا جۇرگىزەتىن حالىقارالىق كواليتسيا مۇشەسى. ول سيرياداعى سودىرلاردىڭ بەكىنگەن ورىندارىنا العاش رەت 27- قىركۇيەكتە اۋەدەن سوققى جاساعان بولاتىن.
www.24.kz
