الماتىلىق ۋچاسكەلىك ينسپەكتور قويان-قولتىق ۇرىستان ق ر پرەزيدەنتى كۋبوگىن جەڭىپ الدى

الماتى. قازاقپارات - الماتىلىق ۋچاسكەلىك ينسپەكتور، پوليتسيا لەيتەنانتى ساعىن قازىبەك قويان-قولتىق ۇرىستان ق ر پرەزيدەنتى كۋبوگىن جەڭىپ الدى.

بۇل تۋرالى بۇگىن الماتى ق. ءى ءى د باسپا ءسوز قىزمەتىنەن حابارلادى.

قويان-قولتىق ۇرىستان ق ر قۇقىق قورعاۋ ورگاندارى، ارنايى جانە كۇشتىك قۇرىلىمدار اراسىندا تۇڭعىش رەت ق ر پرەزيدەنتى كۋبوگىنا ارنالعان رەسپۋبليكالىق تۋرنير استانادا 11-13- قاراشا ارالىعىندا وتكەن بولاتىن.

«جارىسقا قازاقستان بويىنشا 25 كوماندا قاتىستى. بارلىعى 180 سپورتشى باعىن سىنادى. ءبىزدىڭ قىزمەتكەر 55 كەلىگە دەيىنگى سالماق دارەجەسىندە ۇزدىك ناتيجەگە قول جەتكىزدى. لەيتەنات ساعىن ەكى كۇن ىشىندە ءتورت كەزدەسۋ وتكىزىپ، بارلىعىندا جەڭىسكە جەتتى. وسىلايشا، الماتى پوليتسياسىنىڭ وكىلى ق ر پرەزيدەنتى كۋبوگىن جەڭىپ الدى. سونداي-اق، ول ق ر ءى ءى م قۇراما كومانداسىنىڭ بەلدى مۇشەسى»، - دەدى وسىعان وراي، الماتى ق. ءى ءى د باستىعىنىڭ ورىنباسارى، پوليتسيا پولكوۆنيگى ەرجان ورازبەكوۆ.

جيىرما ءبىر جاستاعى ساعىن قازىبەك قويان-قولتىق ۇرىستان حالىقارالىق دارەجەدەگى سپورت شەبەرى. ول سپورتتىڭ بۇل تۇرىنە بۇدان بەس جىل بۇرىن، ياعني ق ر ءى ءى م قاراعاندى اكادەمياسىنىڭ ستۋدەنتى بولىپ جۇرگەن كەزىندە كەلىپتى.

«بۇعان دەيىن مەن بوكسپەن كاسىبي تۇرعىدا اينالىسىپ ءجۇردىم. بالا كەزىمنەن وتانىمنىڭ نامىسىن الەمدىك دەڭگەيدە قورعاسام دەپ ارماندادىم. ال كەيىن، جوعارى سىنىپتا وقىپ جۇرگەندە پوليتسيا قىزمەتكەرى ماماندىعىن تاڭدادىم. مەنىڭ ايتايىن دەگەنىم، قىزمەت پەن سپورتتى ۇشتاستىرۋعا بولادى. ەگەر بارلىعىن رەت-رەتىمەن، جوسپارمەن جاساسا ۇلگەرۋگە بولادى»، - دەدى ساعىن قازىبەك.

بۇگىندە ساعىن قازىبەك الماتى قالاسىنىڭ المالى اۋداندىق ءى ءى ب ۋچاسكەلىك ينسپەكتورى بولىپ قىزمەت اتقارادى. ول مۇندا وقۋ ورىندارى، اكىمشىلىك، مەديتسينا، ويىن-ساۋىق مەكەمەلەرى، ساۋدا ۇيلەرى جانە بازارلار ورنالاسقان ۇلكەن اۋماقتىڭ تىنىشتىعىن كۇزەتەدى.

اۆتور: جاپپاربەرگەن ايبوتا