ەۋرووداق ەلدەرى فرانسياعا كومەك كورسەتپەك

بريۋسسەل. قازاقپارات - ەۋرووداق ەلدەرى تەراكتتاردان سوڭ فرانسياعا ونىڭ سۇرانىسىنا سايكەس كومەك كورسەتۋگە كەلىستى.

بۇل تۋرالى سەيسەنبى كۇنى ە و كەڭەسىنىڭ قورىتىندىسى بويىنشا ە و شەتەل ىستەرى مەن قاۋىپسىزدىك ساياساتى جونىندەگى جوعارعى وكىلى فەدەريكا موگەريني ايتتى.

«فرانسيا ە و تۋرالى شارتتىڭ 42.7 بابىنا سايكەس كومەك سۇرادى. بۇگىن ەۆرووداق بارلىق مۇشە ەلدەردىڭ قورعانىس مينيسترلەرىنىڭ داۋىس بەرۋىمەن ءبىراۋىزدان تولىق قولداۋ كورسەتۋگە دايىن ەكەنىن جانە ءتيىستى كومەكتى كورسەتۋگە دايىن ەكەنىن ءبىلدىردى»، - دەدى ەۋروپالىق ديپلوماتيا باسشىسى.

فرانسيالىق تاراپ ەۋروپالىق وداق تۋرالى شارتتىڭ 42.7 بابىن العاش رەت پايدالانۋعا نيەتتى ەكەنى اتالىپ ءوتىلدى. مۇندا مۇشە مەملەكەتتىڭ اۋماعىندا قارۋلانعان اگرەسسيا كورسەتىلگەن جاعدايدا وعان ە و وزگە مۇشە ەلدەرى مۇمكىندىگىنشە كومەك كورسەتەتىنى ايتىلعان.