ەرەجەسىز جەكپە-جەككە بەت بۇرعان العاشقى قازاق قىزى
بۇل تۋرالى Vesti.kz-كە سىلتەمە جاساپ NUR. KZ حابارلايدى.
بۇگىندە ايەلدەر اراسىنداعى ەرەجەسىز جەكپە-جەك باسەكەلەرىنىڭ ءباسى جوعارىلاپ كەلەدى. وتكەن دەمالىستا جۇدىرىقتاسقان امەريكالىقتار روندا روۋزي مەن حوللي حولمنىڭ اراسىنداعى توبەلەس الەم جانكۇيەرلەرىنىڭ نازارىن اۋدارعان بولاتىن. ەندى الەمدىك ارەنادا قازاقستاننىڭ نامىسىن قورعايتىن جاۋىنگەر قىز پايدا بولۋى مۇمكىن.
زامزاگۇل فايزوللانوۆا ءبىرشاما ۋاقىت بويى دزيۋدودان ۇلتتىق قۇرامانىڭ ءبىرىنشى ءنومىرى اتانعان. بۇگىندە ول ەرەجەسىز جەكپە-جەككە بەت بۇرىپ، ەكى رەت جەڭىسكە جەتىپ ۇلگەردى.
بۇگىندە زامزاگۇل ONE FC- مەن كەلىسىمشارت جاساۋدىڭ از-اق الدىندا تۇر. ەندى ءبىر جەكپە-جەكتە جەڭىسكە جەتسە، فايزوللانوۆانىڭ الەمدىك دەڭگەيدەگى جارىستارعا قاتىسۋ مۇمكىندىگى جوعارىلاماق.
Astana Patriots Fight Club كلۋبىنىڭ ديرەكتورى المات تاجىبايەۆتىڭ ايتۋىنشا، زامزاگۇل جاقسى قىرىمەن تانىلسا، UFC- دە ونەر كورسەتۋى مۇمكىن.
بۇگىندە زامزاگۇل فايزوللانوۆا «بوپاي» لاقاپ اتىن يەمدەنگەن. جاتتىقتىرۋشىلار كەنەسارى حاننىڭ قارىنداسى، كەزىندە جاۋعا قارسى شاپقان بوپايدىڭ اتىن بەكەرگە تاڭداماعاندارىن ايتادى.
جاۋىنگەر قىز روندا روۋزيمەن ءبىر سالماقتا ونەر كورسەتەدى.
