ۇيالى تەلەفون قولدانىسىنداعى قاتەلىكتەر

استانا. قازاقپارات - ەلەكتروماگنيتتىك ورىستەر بارلىق تىرشىلىك كوزدەرىنە، سونىڭ ىشىندە ادام ورگانيزمىنە وتە ۇلكەن زارداپ تيگىزەدى.

بيولوگيالىق جانە مەديتسينالىق زەرتتەۋ ناتيجەلەرى كورسەتكەندەي ۇيالى تەلەفوننان شىعاتىن ەلەكتروماگنيتتىك ورىستەردىڭ ادامنىڭ نەرۆ جۇيەسىنە، ىشكى مۇشەلەرىنە، فيزيولوگيالىق دامۋىنا تيگىزەتىن تەرىس زارداپتارى انىقتالعان.

سونىمەن قاتار، كەيىنگى كەزدە شەتەل ماماندارىمەن بىرىگىپ وتكىزىلگەن زەرتتەۋلەر ناتيجەلەرىنە سۇيەنەتىن بولساق، ەلەكتروماگنيتتىك ورىستەردىڭ اسەرىنەن جۇزدەگەن اۋرۋ تۇرلەرىنىڭ جاپپاي تارالۋى انىقتالىپ، قالالاردا وزىنە قول جۇمساۋ فاكتىلەرى كوپتەپ تىركەلە باستادى.

سەبەبى، ەلەكتروماگنيتتىك ورىستەر ادامنىڭ مي قۇرىلىسىنا وتە قاتتى اسەر ەتە وتىرىپ، دۇرىس ويلاۋ، ەستە ساقتاۋ قاسيەتتەرىن بىردەن بۇزادى.

سول ءۇشىن قالتا تەلەفونىن قولدانعان كەزدە مىنا ەرەجەلەردى ەستەن شىعارماعان ءجون:

- قالتا تەلەفونىڭىزبەن سويلەسۋ كەزىندە ءبىر ورىننان قوزعالماي، بايلانىس جەلىسى جاقسى ۇستايتىن جەردە تۇرىپ سويلەسۋگە تىرىسىڭىز. ناشار جەلى مەن ارلى-بەرلى قوزعالىس بارىسى ودان بولىنەتىن رادياتسيانى كۇشەيتىپ جىبەرەتىندىكتەن، ونىڭ ادام دەنەسىنە، جۇيكە جۇيەسىنە كەرى اسەرى ارتا تۇسەدى. ال ليفت ىشىندە ەڭ جاقسىسى تەلەفون پايدالانباعان ابزال.

- ال تەلەفون ءنومىرىن تەرگەن ساتىڭىزدە قارسى جاق كوتەرمەيىنشە تەلەفوندى قۇلاعىڭىزعا اپارا كورمەڭىز. بۇل كەزدە دە ونىڭ رادياتسياسى بارىنشا ارتادى. ال قارسى جاق تەلەفون تۇتقاسىن كوتەرگەنگە دەيىن بارىنشا باس بولىمىڭىزدەن اۋلاق ۇستاڭىز.

- تەلەفوندى بەلىڭىز بەن موينىڭىزدان اۋلاق ۇستاڭىز. ادامنىڭ كەيبىر ءالسىز جۇيەلەرى ونىڭ بولماشى رادياتسياسىنان دا زارداپ شەگەدى. جۇكتىلىك مەزگىلىندە تەلەفون قولدانۋدان ءتىپتى اۋلاق بولىڭىز.

- ادەتتەگى جاعدايدا تەلەفونىڭىزدىڭ بليۋتۋز جۇيەسىن ءسوندىرىپ قويىڭىز.

- ۇزاق ۋاقىت رادياتسيا اسەرى ۇلكەن ميدا پايدا بولاتىن ءارتۇرلى اۋرۋلاردىڭ سەبەپشىسى. سوندىقتان بارىنشا ساقتانۋ ءۇشىن قۇلاققاپ پايدالانعانىڭىز ءجون.

Baq.kz