قازاق ساياساتكەرىنىڭ قىزى ماسكەۋدە نەگە ورىس مادەنيەتىن ناسيحاتتاپ ءجۇر؟ - فوتو
بۇل تۋرالى عالامتوردا ءورىپ جۇرگەن فوتوسۋرەتتەر مەن ءتۇرلى ماتەريالدار كۋا دەپ حابارلايدى NUR. KZ.
جاننا كيم - قازاقستاننىڭ رەسەيدەگى بۇرىنعى ەلشىسى جانە ەۋرازيالىق كونگرەستىڭ جەتەكشىسى تايىر مانسۇروۆتىڭ قىزى. بۇگىندە ماسكەۋدە تۇراتىن ول رەسەيدەگى بەلدى شەنەۋنىككە تۇرمىسقا شىققان.
جاننا ماسكەۋدەگى پلاستيكالىق حيرۋرگيا ەمحاناسى «سيريۋستىڭ» يەلەرىنىڭ ءبىرى. ول بىرنەشە جىل بۇرىن ۇلكەن اپكەسى گاۋحار مانسۇروۆا ءوزىنىڭ جەكە بيزنەسىن اشقاندا قولداۋ كورسەتىپ قانا قويماي، ونىڭ ارىپتەسى اتاندى.
جاننا كيم ستاندارتتان تىس اكسەسسۋارلاردى جاقسى كورەدى. ونىڭ كيىمدەرىنەن گرۋزين تىلىندەگى جازبالاردى، تۇيمەداقتى، ءتىپتى، يۋري گاگاريننىڭ پورترەتىن بايقاۋعا بولادى.
ال ماترەشكالاردى جاننا كيمنىڭ ناعىز ءساندى تۇمارى دەپ اتاۋعا بولادى. ول ماترەشكا پىشىنىندەگى سومكەلەردى ۇستايدى، ماترەشكاسى بار كويلەكتەر كيەدى، ءتىپتى ۇيالى تەلەفونىن دا ماترەشكا پىشىنىندە قاپتاپ الادى. جاقىندا تانىمال رەسەيلىك زەرگەر پەتر اكسەنوۆ جانناعا ارناپ ماترەشكا پىشىنىندەگى سىرعالار مەن ساقينانى دايىنداپ شىعاردى.
جاننانىڭ باس كيىمدەرى دە ەرەكشە. كلاسسيكالىق جانە ستاندارتقا ساي ەمەس. ول كەيدە كاتوليكتىڭ موناح ايەلى سەكىلدى كيىنسە، كەيدە بەرەت كيىپ، ءتاج تاعىپ الادى.
جاننا كيم ورىس مادەنيەتىن ناسيحاتتايتىن A La Russe ستيلىندە كيىنگەندى جاقسى كورەدى. قۇددى ايگىلى الەكساندر روۋدىڭ ەرتەگى فيلمدەرىندەگى كەيىپكەرلەر سياقتى. كەيدە اۋقاتتى بويجەتكەن كەيپىندە، كەيدە شارۋانىڭ قىزى سەكىلدى كيىنەدى. جالپى سىلقىم كەلىنشەك كوپتەگەن رەسەيلىك ديزاينەرلەردىڭ تۇراقتى ساتىپ الۋشىسى مەن مۋزاسى.
