16:36, 17 - قاراشا 2015 | GMT +5
افريكالىق ءانشى الەمنىڭ ەڭ كەرەمەت قىزدارىن كورگىسى كەلەتىندەرگە شىمكەنتكە بارۋعا كەڭەس بەردى
استانا. قازاقپارات - قازاقشا ءان شىرقاپ، دومبىرا تارتۋعا اۋەستەنگەن افريكالىق ءانشى Rich D الەمنىڭ ەڭ كەرەمەت قىزدارىن كورگىسى كەلەتىندەرگە شىمكەنتكە بارۋعا كەڭەس بەردى.
بۇل تۋرالى tvk-uko.kz-كە سىلتەمە جاساپ NUR. KZ حابارلايدى.
«الماتى» انىمەن قازاقستانعا تانىمال بولعان Rich D- ءدىڭ بۇگىندە 10 نان استام ءانى بار. قازاقستان تويلارىندا ونەر كورسەتەتىن ول وتاندىق ءانشى اسحات ارعىنمەن بىرگە جۇمىس جاساپ جۇرگەنىن جاسىرمادى.
ءانشى شىمكەنت قالاسىن، اسىرەسە ونىڭ ارۋلارىن قاتتى ۇناتقان سياقتى.
«مەن افريكاداعى دوستارىما ۇنەمى ايتىپ جۇرەمىن: ەگەر الەمنىڭ ەڭ كەرەمەت قىزدارىن كورگىلەرىڭ كەلسە، شىمكەنتكە كەلىڭدەر دەپ. مەن بۇل جەردە ءوزىمدى ىڭعايلى سەزىنەمىن. حالقى وتە مەيىرىمدى»، - دەيدى ول.
