شۇباركول كومىرى جاپونيا مەن پولشاعا ساتىلا باستادى

استانا. قازاقپارات - شۇباركول كومىرى جاپونيا مەن پولشاعا ساتىلا باستادى. بۇل تۋرالى بۇگىن استانادا وتكەن «باسەكەگە قابىلەتتى تاۋ- كەن مەتاللۋرگيا كەشەنى - باسەكەگە قابىلەتتى قازاقستان» اتتى حالىقارالىق فورۋمدا تاۋ- كەن ءوندىرۋشى جانە تاۋ- كەن مەتاللۋرگيا كاسىپورىندارىنىڭ رەسپۋبليكالىق قاۋىمداستىعىنىڭ پرەزيدەنتى نيكولاي رادوستوۆەتس ءمالىم ەتتى.

«كومىر بويىنشا احۋال كۇردەلى. رەسەي ءوزىنىڭ وندىرىستىك قۋاتتارىن رەسەيلىك كومىرگە قايتا جابدىقتاۋدا. 1,5-2 جىلدا ءبىز 4 پايىز رەسەي نارىعىن جوعالتىپ الدىق. كومىر بويىنشا ءبىزدىڭ ونداعى ۇلەسىمىز ەداۋىر بولاتىن. الايدا ءبىز جاڭا نارىقتارعا شىعىپ جاتىرمىز. قازىر بىزدە شۇباركولدىڭ كومىرى جاپونياعا ساتىلۋدا، پولشاعا جەتكىزىلە باستادى»، - دەپ اتاپ ءوتتى ول تىلشىلەرگە بەرگەن سۇحباتىندا.

ونىڭ ايتۋىنشا، بۇعان ق ر ۇكىمەتىنىڭ ەۋرازيالىق ەكونوميكالىق وداق اياسىنداعى ترانزيتتىك تاۋارلاردىڭ تاسىمالدانۋ تاريفتەرىنە قاتىستى كەلىسىمدەرى وڭ ىقپال ەتكەن.

«وسى جاعدايدا ءبىز قازاقستاننىڭ ۇكىمەتىنە ريزاشىلىق بىلدىرەمىز. سەبەبى ە ا ە و اياسىندا قازاقستاندىقتار رەسەي پورتتارىنىڭ ىشكى تاريفتەرىنە قول جەتكىزدى. ءبىر جەردە جاعداي ناشارلاسا، كەي جەرلەردە جاقسارىپ جاتىر. قيىن- قىستاۋ كەزەڭدە وسىنداي جاڭا كەلىسىمدەردى ىزدەۋگە تۋرا كەلەدى. جاقىن بولاشاقتا قىتاي نارىعى ءبىزدىڭ ونىمدەر ءۇشىن اشىلادى دەگەن ءۇمىت بار. وعان دا دايىندالامىز. ول ءۇشىن شىعىنداردى ازايتىپ، ءونىمنىڭ قۇنىن كەمىتۋىمىز قاجەت»، - دەدى ن. رادوستوۆەتس.

 اۆتور: جاسۇلان جولدىبايەۆ