پاريجدەگى لاڭكەستىك ارەكەتتى بەلگيا ازاماتى جوسپارلاعان
ولاردىڭ ءبىرى - «باتاكلان» كونسەرت زالىندا شابۋىل ۇيىمداستىرعان فرانسيا ازاماتى سامي اميمۋر. قازىر فرانسۋز پوليتسياسى اميمۋردىڭ 3 جاقىنىن ۇستادى.
باس پروكۋراتۋرا فۋتبول ستاديونىنداعى العاشقى جانكەشتىنىڭ 1990 - جىلعى سيريالىق احمەد ءال- مۇحاممەد ەكەنىن جانە ونىڭ گرەكيادان پانا تىلەپ، كەيىن فرانسياعا باس ساۋعالاپ كەلگەنىن انىقتاپ وتىر. فرانسيا ۇكىمەتى وكىلدەرىنىڭ مالىمدەۋىنشە، جانكەشتىنىڭ ساۋساق تاڭبالارى پاسپورتتاعى تاڭبالارعا سايكەس كەلەدى.
دەمالىس كۇندەرى «باتاكلان» جانە ستاديوندا شابۋىل ۇيىمداستىرعان 3 لاڭكەستىڭ تۇلعاسى انىقتالدى. ولاردىڭ ءبىرى «باتاكلانداعى» شابۋىلدى جاساعان ومار ىسمايىل موستەفاي ەكەنى بەلگىلى بولدى. ال فرانسيا ستاديونىنداعى ەكىنشى جانكەشتىنىڭ 1995 - جىلى تۋىلعان فرانسيا ازاماتى ءبىلال حادفي ەكەنىن جازعان ەدىك. تاعى ءبىر سودىر 31 جاستاعى يبراگيم ابدەسلام ۆولتەر جەلەكجولىندا جانكەشتى جيلەتىن ىسكە قوسقان. بۇعان دەيىن فرانسيادا ونىڭ ءىنىسى 1989 - جىلعى سالاح ابدەسلامعا ىزدەۋ جاريالانعان ەدى. بۇعان قوسا فرانسيا بيلىگى شابۋىلدار مەن جارىلىستاردى بەلگيا ازاماتى ابدەلحاميد ابااۋد جوسپارلاعاندىعىن مالىمدەپ وتىر، دەپ جازادى بەلگيا پورتالى Capital.bg.
www.24.kz
