بەنزين باعاسى ەكى ەسەگە قىمباتتايدى
ول بەنزيننىڭ قىمباتتاۋى وڭ ناتيجەلەر بەرەتىنىنە سەنىمدى. بۇل تۋرالى Caravan.kz سايتى جازادى.
بۇعان دەيىن بەنزينگە اكسيزدەر(قوسىمشا سالىق - رەد.) 2015 -جىلدىڭ 25 -قاراشاسىنان باستاپ قازاقستاندا ەكى ەسەگە ارتاتىنى حابارلانعان بولاتىن.
«بەنزين قۇنى ءالى كۇنگە تولىقتاي ەركىنە جىبەرىلمەگەن. جانارمايدىڭ ناقتى باعاسى الدەقايدا جوعارى... مەن بۇعان دەيىن باعا ليترىنە 140 تەڭگە بولىپ كوتەرىلەتىنىن بولجاعان بولاتىنمىن. سولاي بولدى دا. الايدا ودان كەيىن حالىقتىڭ دۇرلىگۋىنەن قورقىپ، باعانى كۇرت ءتۇسىردى. مۇناي باعاسىن ەسكەرەتىن بولساق، بەنزيننىڭ 160-170 تەڭگە تۇرۋى - قالىپتى جاعداي. مۇنىڭ وزىندە رەسەي بەنزين باعاسىن كوتەرمەگەن جاعدايدا. رەسەيدە بەنزيننىڭ ليترىنە 34 رۋبل الادى. الايدا باعام وزگەرۋىمەن قوسا، بەنزين دە ليترىنە 45 رۋبل بولىپ كوتەرىلەتىنى ايتىلدى. ەگەر رەسەي كوتەرسە، بىزدە ليترىنە 220-230 تەڭگە بولادى دەپ ويلايمىن»، - دەيدى كريۆوشەيەۆ.
ماماننىڭ ويىنشا، رەسەي بەنزيندى 40 رۋبلگە كوتەرسە، قازاقستاندا 180-185 تەڭگە بولادى. ال ەگەر 50 رۋبل بولسا، ءبىزدىڭ ەل ليترىنە 220 تەڭگە ەتەتىن بولادى.
ساراپشى بەنزين قىمباتتاسا وڭ ناتيجەلەر بەرەتىنىن العا تارتتى.
«بەنزين باعاسى ادامداردىڭ كولىكپەن ءجۇرۋ-جۇرمەۋىنە قاتىستى تاڭداۋىنا اسەر ەتەدى. الايدا حالىق كوپ ۇزاماي ءوز تاڭداۋىن جاساپ، الدەقايدا ەكولوگيالىق جانارماي ءتۇرى - گازعا كوشەتىن بولادى. الماتىنىڭ جاعدايىن ەسكەرسەك، بۇل جامان قادام بولمايدى. اۋانى لاستاۋدى دوعارۋ كەرەك. كوپ جاعارماي قۇرتاتىن كولىكتەر ءتيىمسىز بولىپ قالادى... نە قىمباتتايتىنى ماڭىزدى ەمەس. ماڭىزدىسى - ءار نارسە ءوز قۇنىن تابادى. ال تۇرعىنداردىڭ تابىسى ءوز ورنىندا قالادى. سايكەسىنشە، تاۋار قۇنى مەن تاۋار قۇندىلىعىنىڭ اراقاتىناسى اۋىساتىن بولادى. بۇل وتە جاقسى»، - دەيدى كريۆوشەيەۆ.
