قورعاستاعى «قۇرعاق پورت» جىل اياعىنا دەيىن پايدالانۋعا بەرىلەدى

استانا. قازاقپارات - الماتى وبلىسىنداعى «قورعاس -  شىعىس قاقپاسى» ارنايى ەكونوميكالىق ايماعىندا جۇمىس قارقىندى. مۇنداعى «قۇرعاق پورت» كەشەنىنىڭ العاشقى لەگى جەلتوقسان ايىندا پايدالانۋعا بەرىلەدى.

«قازاقستان تەمىر جولى» ۇلتتىق كومپانياسى ماماندارىنىڭ ايتۋىنشا، قازىر الىپ نىسانداعى جۇمىستاردىڭ % 90- ى دايىن. ال ونىڭ تولىق ىسكە قوسىلۋى الداعى جىلدىڭ مامىر ايىنا جوسپارلانىپ وتىر.

شەكارالىق وڭىردەگى الىپ جوبا قۇرىلىسىنىڭ جالپى اۋماعى 4,5 مىڭ گەكتاردان اسادى. قازىر 6 قاتارلى تەمىرجول دايىن. ونىڭ ۇشەۋى قىتايلىق، ۇشەۋى قازاقستاندىق ۆاگوندارعا ارنالعان. بارلىق كوممۋنيكاتسيالىق جەلىلەر تارتىلىپ، اۆتوجولدار جاسالدى. ينفراقۇرىلىمدىق جۇمىستار دا تولىق جۇرگىزىلدى. ۋاقىتشا جۇك ساقتايتىن قويمالار، ءورت ءسوندىرۋ دەپوسى مەن اكىمشىلىك عيماراتتار سالىندى.

ءالي قارابالين، «ق ت ج  ۇ ك» تەمىرجول قۇرىلىسى فيليالى ديرەكتورىنىڭ ورىنباسارى:

 - ءبىز تۇرعان مىنا كونتەينەر تەرمينالى ارقىلى جىلىنا 5 ميلليون تونناعا دەيىن جۇك وتكىزىلەدى. ودان وزگە بەتون توسەلگەن الاڭدا ءبىر مەزگىلدە 20 مىڭعا دەيىن كونتەينەرلەر ساقتالادى. مۇنداعى تىرشىلىكتىڭ وتە اۋقىمدى ەكەنىن وسىدان- اق اڭعارۋعا بولادى.

قۇرعاق پورتتىڭ ەكىنشى كەزەگى كەلەر جىلدىڭ مامىر ايىندا ىسكە قوسىلادى. ول كەزدە يندۋستريالدى- لوگيستيكالىق ايماق پايدالانۋعا بەرىلەدى. جوندەۋ شەبەرحاناسى مەن جۇمىسشىلار جاتاقحاناسى دا دايىن بولادى. ارى قارايعى جۇمىستار ينۆەستورلارمەن جۇرگىزىلەدى. قازىردىڭ وزىندە وعان جيىرماعا جۋىق شەتەلدىك كومپانيا نيەت ءبىلدىرىپ وتىر. ولار وزدەرىنىڭ كاسىپورىندارى مەن لوگيستيكالىق ورتالىقتارىن سالادى.

حيشام بەلمااشي قۇرعاق پورتتى حالىقارالىق تالاپتارعا ساي جاساۋعا اتسالىسىپ جاتقان كورپوراتسيانىڭ وكىلى. ونىڭ ايتۋىنشا، «قورعاس -  شىعىس قاقپاسى» ارنايى ەكونوميكالىق ايماعى اسا اۋقىمدى جوبا. مۇنداي نىسان ورتالىق ازيادا جوق. ءتىپتى بۇرىنعى كەڭەس وداعى ەلدەرىنىڭ بىردە- بىرىندە كەزدەسپەيدى.

حيشام بەلمااشي:

 - بۇل جوبا قازاقستانعا دا، قىتايعا دا، سونداي- اق دۇنيەجۇزىنە دە پايدالى بولادى. مۇنىڭ ارقاسىندا قازاقستان ەۋروپا مەن ازيانىڭ اراسىنداعى ترانزيتتىك دالىزگە اينالادى. بۇل -  كەلەشەكتىڭ ۇلكەن قۇرعاق پورتى. ويتكەنى اۆياتاسىمال قىمبات تۇرسا، تەڭىز تاسىمالى كوپ ۋاقىت الادى.

مامانداردىڭ ەسەپتەۋىنشە، بۇل جەردە 10 مىڭعا جۋىق ادام جۇمىس ىستەيتىن بولادى. ولاردىڭ % 80- ى جەرگىلىكتى تۇرعىنداردان الىنادى.

بەرداۋلەت ابدۋلدايەۆ، پانفيلوۆ اۋدانىنىڭ اكىمى:

 - قازىرگى كەزدە ءبىزدىڭ الدىمىزدا تۇرعان ۇلكەن مىندەت وسى جەرگە، وسى سالاعا ماماندار دايىنداۋ. سوندىقتان ءبىز قازىر وسى سالادا جۇمىس جاساپ جاتىرمىز. حالىق وتە ريزا، ەلدەر تۇسىنە باستادى. «قورعاس -  شىعىس قاقپاسى» ارنايى ەكونوميكالىق ايماعى -  «نۇرلى جول» باعدارلاماسىنىڭ اياسىندا سالىنىپ جاتقان اسا اۋقىمدى جوبا. ول ەلدىڭ ەكونوميكاسىن دامىتۋمەن بىرگە جاركەنت ءوڭىرىنىڭ ءوسىپ- وركەندەۋىنە كەڭ جول اشادى.

 قۇرىلىسقا اتسالىسىپ جاتقان ماماندار وسىلاي دەپ وتىر.

www.24.kz