اسقاباق شىرىنىن قالاي ازىرلەيدى؟

استانا. قازاقپارات - اسقاباق شىرىنى قان قىسىمى كوتەرىلگەندە، دەنە ىسىنگەندە، باۋىر اۋرۋلارى، بۇيرەك جانە جۇرەك- قان تامىرلارى جۇيەسىنىڭ اۋرۋلارىنا شالدىققاندارعا وتە پايدالى.

اسقاباقتان نەشە ءتۇرلى تاعام ازىرلەۋگە بولادى. سونداي- اق، كوكونىستەن دارۋمەنگە باي شىرىن دايىنداۋعا بولادى.

مۇنداي شىرىندى ازىرلەۋ ءۇشىن قىزعىلت سارى ءتۇستى اسقاباق قاجەت.

 اسقاباقتى قابىعىنان تازالاپ، شىرىن جاسايتىن ارنايى قۇرىلعىمەن ازىرلەۋگە نەمەسە ۇككىشتەن وتكىزىپ، داكەمەن شىرىنىن سىعىپ الۋعا بولادى. اسقاباق شىرىنىن ۇزاق ۋاقىت ساقتاۋعا بولمايدى.

الايدا كەي ادامدار مۇنداي شىرىندى ۇناتا بەرمەيدى.

سوندىقتان وعان الما، المۇرت، اپەلسين، ءسابىز شىرىنىن قوسسا، ءدامى وزگەرەدى. سونداي- اق، بىرنەشە تامشى ليمون شىرىنى مەن قانت نەمەسە بال قوسسا، جۇمساق ءارى ءدامدى بولادى.

اسقاباقتىڭ قۇرامىندا ماگني، كالي، كالتسي، كوبالت، مىرىش، تەمىر جانە فتور بار. سونداي- اق، كوكونىس س، ب، ا، ر، ە جانە ك دارۋمەندەرىنە باي.

مۇنىڭ ءبارى ادام اعزاسىنىڭ ساۋلىعى ءۇشىن وتە قاجەت. سوندىقتان اسقاباق شىرىنىن ۇنەمى تۇتىنعان ءجون.

 سۋسىننىڭ تاعى ءبىر پايداسى -  وندا اسكوربين قىشقىلى كوپ. ول يممۋنيتەتتى جاقسارتىپ، ينفەكتسيالىق اۋرۋلار مەن سۋىق ءتيۋدىڭ الدىن الادى.

اسقاباقتىڭ اعزاعا پايداسى:

زات الماسۋدى رەتتەيدى؛

قان اينالىمىن جاقسارتادى؛

قانداعى حولەستەرين مولشەرىن ازايتادى؛

اعزانى زياندى زاتتاردان تازارتادى؛

اسقازان- ىشەك جولدارىنىڭ جۇمىسىن جاقسارتادى؛

ءىش قاتۋدىڭ الدىن الادى.

اسقاباق شىرىنى قان قىسىمى كوتەرىلگەندە، دەنە ىسىنگەندە، باۋىر اۋرۋلارى، بۇيرەك جانە جۇرەك- قان تامىرلارى جۇيەسىنىڭ اۋرۋلارىنا شالدىققاندارعا وتە پايدالى.

«قازاقستان» ارناسى