ب ۇ ۇ باسشىسى ق ر پرەزيدەنتى ن. نازاربايەۆقا العىس ايتتى
«2030 - جىلعا دەيىنگى كەزەڭدەگى تۇراقتى دامۋ سالاسىنداعى جاڭا كۇن ءتارتىبىن قورعاۋدا جانە كليماتتىڭ وزگەرۋ ماسەلەلەرىن شەشۋدەگى قازاقستاننىڭ تۇراقتى تۇردەگى قولداۋىن قۋاتتايمىن.
وسىعان بايلانىستى جوعارى مارتەبەلى قازاقستان پرەزيدەنتى نۇرسۇلتان نازاربايەۆتى استانادا جاسىل تەحنولوگيانى دامىتۋ مەن ينۆەستيتسيالىق جوبالار جونىندەگى حالىقارالىق ورتالىق اشۋ جونىندەگى باستاماسىمەن قۇتتىقتايمىن»، - دەلىنگەن ب ۇ ۇ باس حاتشىسىنىڭ حاتىندا. قازاقستان پرەزيدەنتى ورتالىق قۇرۋ تۋرالى يدەياسىن ب ۇ ۇ باس اسسامبلەياسىنىڭ 70 جىلدىق سەسسياسىنداعى جالپى پىكىرسايىستار كەزىندە جاريا ەتكەن بولاتىن.
سونىمەن قاتار ب ۇ ۇ باس حاتشىسى سەنات ءتوراعاسى ق. توقايەۆقا ب ۇ ۇ- نىڭ 70 جىلدىعىنا وراي جىلى شىرايلى قۇتتىقتاۋى ءۇشىن، سونداي- اق قازاقستاندىق جانە شەتەلدىك باسىلىمداردا ۇيىمعا قولداۋ ءبىلدىرىپ سويلەگەن سوزدەرى مەن جاريالانىمدارى ءۇشىن العىس ايتتى.
«بەيبىتشىلىك، ورنىقتى دامۋ جانە ادام قۇقىقتارى سالاسىنداعى ءبىزدىڭ ورتاق ميسسيامىزدى ىلگەرىلەتۋ ىسىنە ءسىزدىڭ بەرىكتىگىڭىزگە ريزامىز»، - دەلىنگەن جولداۋدا. «ءسىزدىڭ قۇرمەتىڭىز بەن تەرەڭ ويلىلىعىڭىز مەنى تەبىرەنتىپ جىبەردى. بىرىككەن ۇلتتار ۇيىمى جارعىسىنىڭ ۋاقىتقا باعىنبايتىن قۇندىلىقتارى ءبىزدىڭ باعدارىمىز بولىپ قالا بەرۋى ءتيىس. حالىقتارعا قىزمەت ەتۋ ءۇشىن ءبىزدىڭ كۇشىمىزدى بىرىكتىرۋ» ءبىزدىڭ ورتاق مىندەتىمىز بولىپ تابىلادى»، - دەپ اتاپ ءوتتى پان گي مۋن.
