ادام باسىنداعى ەكى وراي قانداي ماعىنانى بىلدىرەدى؟

استانا. قازاقپارات -   ادام باسىنداعى ەكى وراي تۋرالى اڭىزدار بار. مۇنداي اناتوميالىق ەرەكشەلىك حالىق اراسىندا تاعدىر بەلگىسىنە دە اينالعان.

 باسىندا ەكى ورايى بار ادامدار ومىردە باقىتتى بولادى دەپ سەنگەن. الايدا، مۇنداي دەرەك تۋرالى عىلىمي تۇسىنىك بەرىلمەگەن.

 وراي دەنساۋلىققا دا ەشقانداي قاۋىپ توندىرمەيدى. تەك كەيبىر ەرلەرگە شاش قيدىرعاندا قولايسىزدىق تۋدىرۋى مۇمكىن.

تاعى ءبىر كەڭ تاراعان تۇسىنىك - ەكى رەت ۇيلەنۋ تۋرالى. ەكى ورايى بار ەر ادامدار ەكى رەت وتاۋ قۇرادى دەگەن پىكىر بار.

الايدا، بۇرىن ءدام- تۇزى جاراسپاي، اجىراسقاندار سانى از بولماعان. ال، بۇگىندە اجىراسىپ جاتقان وتباسى وتە كوپ بولعاندىقتان، مۇنداي جورامالدىڭ ماڭىزدىلىعى جوعالدى، دەيدى ماماندار.

 ورايعا قاتىستى تاعى ءبىر تۇسىنىك -  ەرەكشە مىنەز تۋرالى. ياعني، ەكى ورايى بار ادامداردىڭ بويىندا ەرەكشە قابىلەتى بولادى دەيدى. ولار كەز كەلگەن جاعدايدان اقىلدىلىعى مەن ەپتىلىگىنىڭ ارقاسىندا شىعا الادى دەسەدى.

 الايدا، قازىرگى تاڭدا وراي تۋرالى عىلىمي زەرتتەۋ جۇرگىزىلمەگەن. سوندىقتان جوعارىداعى جورامالداردى دالەلدەيتىن دايەك جوق.

ەگەر بالانىڭ باسىندا ەكى وراي بولسا، بۇل كەمىستىك پە؟

مامانداردىڭ ايتۋىنشا، مۇنداي اناتوميالىق ەرەكشەلىك اتا- انالاردىڭ گەنىنە بايلانىستى بولادى. بۇعان الاڭداۋدىڭ قاجەتى جوق. وراي بالا دەنساۋلىعىنا دا قاۋىپ توندىرمەيدى، دەيدى ولار.

ءبىر ورايى بار ادامدار دا باقىتتى بولادى. ولار دا اجىراسۋى مۇمكىن. مۇنداي ەرەكشەلىك مي قىزمەتىنە اسەر ەتەتىنى تۋرالى دا عىلىمي دالەل جوق.

 سوندىقتان اتا- انالار مۇنى گەنەتيكانىڭ اسەرىنەن پايدا بولعان ەرەكشەلىك دەپ قابىلداعانى ءجون، دەيدى ماماندار.

http://kaztv.kaztrk.kz