قويان ءشوپ - دەنساۋلىققا وتە پايدالى

استانا. قازاقپارات - قويانءشوپ (سپارجا) - ءتۇرلى ماقساتتا قولدانىلادى. ونى بولمە گۇلى رەتىندە وسىرەتىندەر دە بار. ال، پايدالى كوكونىس رەتىندە بۇرىننان تۇتىنعان.

 قويانءشوپتىڭ 200 دەن استام ءتۇرى بار. الايدا تەك ەكى ءتۇرى - جاسىل جانە اق ءتۇستىسى كەڭ تارالعان.

قويانءشوپ - دەنساۋلىققا وتە پايدالى. ونى ارىقتاۋعا ارنالعان ديەتالىق تاعام رەتىندە تۇتىنۋعا دا بولادى.

 ونىڭ قۇرامىندا بىرنەشە پايدالى زات بولعاندىقتان، ەمدىك ماقساتتا دا قولدانىلادى.

مىسالى:

اسپاراگين. قان قىسىمىن تومەندەتىپ، اعزانى زياندى زاتتاردان تازالايدى؛

بەتا- كاروتين. كوزدىڭ كورۋ قابىلەتىن جاقسارتىپ، تەرىنى قالپىنا كەلتىرەدى؛

مينەرالدى كالتسي، فوسفور. سۇيەكتى قاتايتادى؛

ماگني، تەمىر. قان جاسۋشالارىنىڭ تۇزىلۋىنە قاتىسادى؛

يود. گورمونداردىڭ جۇمىسىن رەتتەيدى؛

РР  دارۋمەنى. باۋىر اۋرۋلارىنىڭ الدىن الادى. جۇرەك- قان تامىر جۇيەسىنىڭ جۇمىسىن جاقسارتادى. سونداي- اق، جۇكتى ايەلدەرگە وتە پايدالى؛

فوليي قىشقىلى. جاتىرداعى ءسابيدىڭ دامۋىنا سەپتىگىن تيگىزەدى. قان قۇرامىن جاقسارتىپ، اس قورىتۋعا كومەكتەسەدى.

جاسىل قويانءشوپتىڭ قۇرامىندا ەرتە قارتايۋدىڭ الدىن الاتىن انتيوكسيدانتتار بار. سوندىقتان قويانءشوپ - گولليۆۋد جۇلدىزدارىنىڭ سۇيىكتى تاعامى.

 قۇرامىندا بالالاردىڭ تۋا بىتكەن اۋرۋلارىمەن، شارشاۋ جانە جۇرەك اۋرۋى كەزىندە كۇرەسۋگە كومەكتەسەتىن دارۋمەندەر بار.

«قازاقستان» ارناسى