ەكى قولسىز تۋعان تارازدىق ايەل تىگىن شەبەرى بولىپ ءوز كاسىبىن اشتى - فوتو
شىنىمەن، تىگۋ، كەستەلەۋ، تەحنيكانى باسقارۋ، سۋرەت سالۋ، ازىرلەۋ، كەز كەلگەن ءۇي شارۋاسىمەن اينالىسۋ وعان ەش قيىندىق تۋدىرمايدى. سونىمەن قاتار ول ەكى قىز تاربيەلەپ وتىر، سۋرەتتەرىنىڭ كورمەسىن وتكىزىپ تۇرادى، ءوز ءىسىن اشىپ، ايەلدەرگە جۇمىس ورنىن اشۋدا.
مۇنىڭ ءبارىن جاساپ وتىرعان انار بەكسۇلتانوۆانىڭ تۋعاننان بەرى ەكى قولى جوق، بۇل جۇمىستىڭ بارلىعىن ول اياعىمەن جاساپ ۇيرەنگەن.
«تالاس اۋدانىندا، ۇلكەن، تاتۋ وتباسىندا دۇنيەگە كەلدىم، جەتى بالانىڭ بەسىنشىسىمىن، - دەدى انار بەكسۇلتانوۆا. - انام ماعان جۇكتى كەزىندە قاتتى اۋىرعان ەكەن، سوندىقتان دا وسى دياگنوزبەن تۋدىم. اۋىلدا 11 جىلدىق مەكتەپتى ءبىتىردىم. ءتورت قابىرعاعا قامالىپ قالۋدى ءجون سانامادىم، مەكتەپكە باردىم، سۇيىسپەنشىلىككە بولەنىپ، تولىققاندى وتباسىدا دۇنيەگە كەلدىم. سوندىقتان دا ءوزىمدى باقىتتى سەزىنەمىن»، - دەدى ول.
ونى كەز كەلگەن ۋاقىتتا ءدارىس وقۋعا، تانىستىرىلىم ۇيىمداستىرۋعا، ءتۇرلى تاقىرىپتار (جەڭىستىڭ 70 جىلدىعى، ق ح ا 20 جىلدىعى، قازاق حاندىعىنىڭ 550 جىلدىعى) بويىنشا كوشپەلى كورمەلەر ۇيىمداستىرۋعا شاقىرادى.
ءۇش جىل بۇرىن انار بارلىق جيناعىن ىسكە سالىپ، تاپسىرىستارعا وراي تىگىن تىگۋمەن اينالىسا باستادى.
«تاۋار ساتىپ الۋ ءۇشىن بىشكەككە بارامىن. ءوز ءۇيىم بار، اپكەممەن، قىزدارىممەن ءۇيدىڭ ءبىر بولىگىندە تۇرامىز، ءبىر بولىگىن شەبەرحانا قىلدىق. اللا قالاسا، قوسىمشا عيمارات، قويما سالۋ جوسپارىمىزدا بار. «دامۋدان» العان 3 ميلليون تەڭگەگە ەكى ونەركاسىپتىك ماشينا، ءبىر تۇرمىستىق، ءبىر كومپيۋتەرلەندىرىلگەن تىگىن ماشيناسىن ساتىپ الدىم»، - دەدى ول.
