اتىراۋلىق كاسىپكەرلەر بالا تاربيەسى ارقىلى ءناپاقا تابۋدا

استانا. قازاقپارات - جەرگىلىكتى مەكتەپكە دەيىنگى دايىندىق مەكەمەلەرى مەن جەكەمەنشىك بالاباقشالار وڭىردەگى بالاباقشا تاپشىلىعىن جويۋعا ايتارلىقتاي ۇلەس قوسۋدا.

«بيزنەستىڭ جول كارتاسى-2020» مەملەكەتتىك باعدارلاماسى اياسىندا قارجىلاندىرىلعان نىساندار قازىر ءوزىن-ءوزى اقتاي باستاعان جايى بار. عۇمىر بويىنا بالا تاربيەسى مەكەمەلەرىندە ەڭبەك ەتىپ، باي تاجىريبە جيناقتاعان زەينەپ استراحانسەۆا اقىرى ارمانىنا قول جەتكىزدى.

قازىر ول مەكتەپكە دەيىنگى بالا تاريبەسىمەن اينالىساتىن جەكەمەنشىك ورتالىق اشتى. بۇعان قارجىلاي كومەك بەرگەن «دامۋ» قورى مۇرىندىق بولعان.

زەينەپ استراحانسەۆا، كاسىپكەر: - مەن بۇل ىسكە كىرىسپەس بۇرىن، ءۇش جىل بويىنا ءوزىمدى ءوزىم ويشا دايىنداعان بولاتىنمىن. سول تاۋەكەلدىڭ ارقاسىندا بۇگىنگى جاعدايدا جەتتىم. وزگەلەرگە ايتارىم: ويعا العان ەكەنسىڭ، ارمانىڭنان تايىنباۋ كەرەك. «دامۋ» قورى ارقىلى نەسيە الدىم، ونىڭ 7 پايىزىن مەملەكەت جاۋىپ بەرىپ وتىر. سوندىقتان قورقاتىن ەشتەڭە جوق. باستاپقىدا شاعىن عانا بالالار ورتالىعى بولىپ قۇرىلعان مەكەمەنىڭ قازىر ءۇش بىردەي بولىمشەسى بار. 250 بالا مەكتەپكە دەيىن ءتالىم- تاربيە الىپ جاتىر. تەك ورتالىقتار عانا ەمەس، ايماقتا جەكەمەنشىك بالاباقشالار دا بارشىلىق. قاجەتتى مامانداردىڭ بارلىعىمەن قامتىلعان جەكە بالاباقشالار ناعىز باسەكەلىك ورتا قالىپتاستىرۋعا سەپتىگىن تيگىزىپ وتىر.

جۇماگۇل مۋسينا، جەكەمەنشىك بالاباقشا ديرەكتورى:

- بيىل ءبىزدىڭ بالاباقشا مەملەكەتتىك «بالاپان» باعدارلاماسىنا قاتىستى. وسى ارقىلى ايتارلىقتاي كومەك الدىق. كاسىبي ماماندار قاتارىن ارتتىرىپ، جاڭا بالاباقشا عيماراتىن سالۋعا دا مۇمكىندىك الىپ وتىرمىز. جەكەمەنشىك بالاباقشالار ايماقتاعى مەتكەپتە دەيىنگى مەكەمە تاپشىلىعىن جويۋعا اتسالىسىپ وتىرعاندىعى ايقىن. سايكەسىنشە، ولارعا مەملەكەت قارجىلاي قولداۋ كورسەتەدى.

www.24.kz