قازاقستاننىڭ ەسترادا جۇلدىزدارى مەن داڭقتى سپورتشىلار فۋتبولدان جارىس وتكىزدى

استانا. قازاقپارات - جەكسەنبى كۇنى استانا قالاسى «استانا-ارەنا» ستاديونىندا تۇڭعىش رەت ەسترادا انشىلەرى مەن سپورت جۇلدىزدارى اراسىندا فۋتبولدان جارىس ءوتتى.

تۋىمىزدى الەمدىك باسەكەلەردە بيىكتەن كورسەتكەن سپورتشىلاردان قۇرالعان «ۇلى دالا باتىرلارى» كومانداسى قازاقستان ەستراداسىنىڭ انشىلەرى اتىنان ونەر كورسەتكەن «الاتاۋ» فۋتبول كومانداسىن 3:1 ەسەبىمەن جەڭدى، دەپ حابارلادى baistars.kz.

«الاتاۋ» فۋتبول كومانداسىندا ەلدىڭ سۇيىكتى ونەرپازدارى: «مۋزارت»، «اراي»، «نۇر-مۇقاسان»، «RinGO»، «Mysterions»  توپتارى جانە جۇبانىش جەكسەن ۇلى، تاۋەكەل ءمۇسىلىم، نۇرجان كەرمەنبايەۆ، مەلس ساعات، عادىلبەك جاناي بولسا، سپورتشىلارىمىزدىڭ اتىنان «ۇلى دالا باتىرلارى» كومانداسىنىڭ ساپىندا: داۋلەت تۇرلىحانوۆ، ەرماحان يبرايموۆ، يسلام بايرامۋكوۆ، شالقار جولامانوۆ، سەرىك ساپيەۆ، بەيبىت ىستىبايەۆ، ايبەك نۇعىماروۆ، ۇلان رىسقۇل، مۇحيت تۇرسىنوۆ سياقتى سپورتشىلار جارىستى.

ايتا كەتەيىك، جولداستىق كەزدەسۋدى قازاقستان رەسپۋبليكاسىنىڭ مادەنيەت جانە سپورت مينيسترلىگى، استانا قالاسى اكىمدىگى جانە «نۇر وتان» پارتياسىنىڭ قولداۋىمەن «ALASH-Production»  اگەنتتىگى ۇيىمداستىردى.