پاۆلوداردا راۋشان گۇلى توپىراقتا ەمەس، مينەرالدى ماقتادا سۋارۋ ادىسىمەن وسىرىلەتىن بولدى

استانا. قازاقپارات - ەكىباستۇز قالاسىندا گوللاندتىق تاسىلمەن گۇل وسىرەتىن ۇلكەن جىلىجاي كەشەنىنىڭ قۇرىلىسى اياقتالدى.

جاقىن كۇندەرى العاشقى كوشەتتەر وتىرعىزىلا باستايدى. بەس گەكتار اۋماقتى الىپ جاتقان گۇل القابى ينۆەستيتسيالىق جوبا شەڭبەرىندە جۇزەگە اسقان، دەپ حابارلادى 24.kz.

وڭىردە بۇرىن-سوڭدى بولماعان جاڭاشىل جوبانىڭ ەرەكشەلىگى كوپ. ەڭ باستىسى راۋشان گۇلدەرى توپىراقتا ەمەس، مينەرالدى ماقتادا تامشىلاتىپ سۋارۋ ادىسىمەن وسىرىلەدى. ينۆەستورلار جىلىجاي كەشەنىنىڭ اۋماعىن كەلەشەكتە تاعى 5 گەكتارعا ۇلعايتىپ، كوكونىس پەن جەمىس- جيدەك ءوسىرۋدى قولعا الۋدى كوزدەپ وتىر.

گرەس-1 ستانساسىنا جاقىن ورنالاسقان جىلىجايدا 80 ادام تۇراقتى جۇمىس تاپقان. ءساتىن سالسا، راۋشان گۇلدەرىنىڭ العاشقى لەگى ناۋرىز مەرەكەسى قارساڭىندا ساۋداعا شىعادى.

- وسى جىلىجاي نەگىزىندە راۋشان گۇلدەرىن ءوسىرۋ كوزدەلىپ وتىر. راۋشان گۇلدەرىن ءوسىرۋ ءۇشىن وتە كوپ جارىق كەرەك. وسى جىلىجايدا زاماناۋي ۋلتراكۇلگىن لامپالارى قولدانىلادى. ولار وتە كوپ ەلەكتر قۋاتىن تۇتىنادى. 5 مەگاۆاتتقا جۋىق. سوندىقتان وسى ەلەكترستانسانىڭ قاسىندا تۇرعانىمىز وتە ءتيىمدى، - دەدى جىلىجاي كەشەنىنىڭ ينجەنەرى ايمات سارسەنبەك ۇلى.